गडचांदुर राजूरा मार्गावर पिकअप वाहनाला भीषण अपघात

• पिकअपमधील लोक जखमी ; हरदोना खुर्द जवळील घटना

धनराजसिंह शेखावत - आमचा विदर्भ प्रतिनिधी

गडचांदूर - 

गडचांदूर वरून राजूराकडे येत असतांना एका पिकअप मालवाहक वाहनाचा भीषण अपघात झाल्याची घटना १७ जुलै रोजी दुपारी अंदाजे २ च्या सुमारास राजूरा गडचांदूर रोड वरील हरदोना खुर्द या गावा जवळ घडली. सदर वाहन जिवती तालुक्यातील नारपठार येथील असल्याचे कळते. मिळालेल्या माहितीनुसार पीकअप क्र. एमएच ३४ एबी ९७२७ च्या वाहनाचा अपघात झाल्याने पिकअपमधील प्रवाशी जखमी झाल्याची माहिती मिळाली आहे. पिकअप मध्ये ४-५ लोक होते असे बोलल्या जात असून मात्र नेमके किती लोक होते हे सध्या कळू शकले नाही. घटनेची माहिती मिळताच गडचांदूर पोलिसांनी घटनास्थळी तातडीने दाखल झाले व जखमींना ग्रामीण रुग्णालय गडचांदूर येथे पाठविण्यात आले. मात्र अपघात कसा झाला याबाबत अधिक माहिती मिळू शकली नाही. 

बातम्या अधिक आहेत.....

⭕ बोंबला ; म्हणे, स्वतःचे बियर बार लावुन करणार शहराचा विकास ⭕ दारू दुकानाच्या नाहरकतीसाठी न.प. ने बोलावली विशेष सभा ⭕ दारूसाठी होत असलेली सत्ताधाऱ्यांची धडपड ही चिंतेची बाब