धनराजसिंह शेखावत - आमचा विदर्भ प्रतिनिधी
राजुरा -
राजुरा कवठाला रोडवर नांदगाव जवळ मंगळवारी सायंकाळी 5 वाजताच्या सुमारास दोन दुचाकी वाहनांची अमोर-समोर जबर धडक झाल्याने एका व्यक्तीचा मृत्यू तर दोन जन गंभीर जखमी झाले आहेत.
मिळालेल्या माहितीनुसार नांदा फाटा निवासी प्रफुल जमदाडे वय 28 गाडी नं MH-34 VA-7516 ने चंद्रपूर वरून परत येत असताना नांदगाव (सूर्याचा) गावाजवळ पांढरकवडा येथून एक कार्यक्रम आटोपून दुचाकीने गावाकडे परत येत असलेल्या धिडशी निवासी महादेव कौरासे वय 53 आणि त्यांच्या पत्नी मंगला महादेव कौरसे वय 48 यांच्या दुचाकीची नं MH-34 Y-6533 जोरदार धडक झाल्याने तिघे ही खाली पडून गंभीर रित्या जखमी झाले. महादेव कौरासे यांना डोक्यावर आणि तोंडावर गंभीर मार लागल्याने पूर्ण रक्तबंबाळ झाले होते. प्रफुल जमदाडे यांना ही डोळ्या जवळ आणि हातावर मार लागला असून त्यांना चंद्रपूरला हॉस्पिटल ला दाखल करण्यात आले. घटनेची माहिती मिळताच राजुरा पोलिसांनी महादेव कौरासे आणि त्यांच्या पत्नीला राजुरा येथील सामान्य रुग्णालयात दाखल करण्यात केले असता महादेव कौरासे ला डॉक्टरांनी मृत घोषित केले. घटनेचा पुढील तपास राजुरा पोलिस करीत आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.