युवकाची गळफास घेऊन आत्महत्या

• राजुरा तालुक्यातील कढोली (बु.) येथील घटना

विरेन्द्र पुणेकर - आमचा विदर्भ तालुका प्रतिनिधी (ग्रामीण)

राजुरा -

राजुरा तालुक्यातील कढोली (बु.) येथे दुपारी ३:३० च्या सुमारास चारुल मासपट्टीवर वय २५ या युवकाने घरीच गळफास लाऊन आत्महत्या केली. मृतक वेकोलिच्या खाणीत ठेकेदारीत चालक पदावर काम करत होता. चारूल कोणत्यातरी कामानिमित्य चंद्रपूर ला गेला होता. दुपारून घरी आल्यावर काहीवेळ आराम करत त्याने गळफास घेऊन आत्महत्या केली. यावेळी घरातील सदस्य शेतात गेले होते. मृतकाच्या मागे आई, वडील, एक भाऊ व दोन बहिणी असा परिवार आहे. आत्महत्येचे कारण मात्र कळू शकले नाही.