विष प्राशन करून शाळेतील चपराशीने केली आत्महत्या

• राजुरा तालुक्यातील धानोरा येथील घटना

अविनाश रामटेके - आमचा विदर्भ प्रतिनिधी

विरूर स्टेशन -

राजुरा तालुक्यातील धानोरा लगत असलेल्या जंगलात आज 28 जून रोजी दुपारच्या सुमारास एका चाळीस वर्षीय इसमाचा मृत्युदेह आढळल्याने परिसरात एकाच खळबळ उडाली. 

मिळालेल्या माहीतीनुसार राजुरा येथील बंडू प्रभाकर लोनगाडगे वय 40 हे गोंडपिपरी तालुक्यातील वेडगाव येथील किसान विद्यालय येथे चपराशी म्हणून कार्यरत होते आणि शाळेत ये-जा करिता नेहमीच धानोरा मार्गाने तो मार्गक्रमण करीत होते. मात्र शाळा बंद असल्याने शाळेची देखरेखी करिता मागील पंधरा दिवसापासून वेडगाव इथेच राहत होते. आज राज्यात संपूर्ण शाळा सुरू झाल्या आज शाळेच्या पहिल्या दिवशी त्यांना शाळेत येणे आवश्यक होते मात्र ते शाळेत न आल्याची माहिती मिळाली.

विरुर पोलीस स्टेशन अंतर्गत येत असलेल्या धानोरा-कवीटपेट जंगलात आज दुपारच्या सुमारास नागरीकांनी बंडू चा मृत्यदेह बघितला तेव्हा तात्काळ विरूर पोलिसांना या संदर्भात माहिती देण्यात आली. घटनेची माहिती मिळताच पीएसआय वडतकर, पोलीस हवालदार कुरसंगे, वागधारकर, मडावी, मुंडे यांनी घटनास्थळी पोहचून घटनेचा पंचनामा केला. घटनास्थळी फवारणी चे औषधीं व दारूची बाटली आढळुन आली. पोलिसांनी आकस्मिक मृत्यूचे नोंद करून मृतदेह राजुरा येथिल उपजिल्हा रुग्णालयात उत्तरोत्तर तपासणीकरिता पाठविला. मात्र आत्महत्येचे कारण कळू शकले नाही. 

बातम्या अधिक आहेत....

ग्रामीण भागातही लसिकरणाला उत्स्फूर्त प्रतिसाद ◼️ लोकांची सकाळी ७ वाजेपासूनच मोठी रांग ◼️ १८ वर्षावरील सर्व नागरीकांना लस देण्यास सुरुवात