ग्रामीण भागातही लसिकरणाला उत्स्फूर्त प्रतिसाद

• लोकांची सकाळी ७ वाजेपासूनच मोठी रांग
• १८ वर्षावरील सर्व नागरीकांना लस देण्यास सुरुवात

धनराजसिंह शेखावत - आमचा विदर्भ प्रतिनिधी

गडचांदूर -

कोरपना तालुक्यातील आवाळपुर उपकेंद्रात लस घेण्याकरिता नागरिकांनी प्रचंड गर्दी केली आहे. सकाळी १० वाजताची चे वेळ दिल्यावर ही लोकांनी सकाळी ७ वाजेपासूनच रांगेत उभे राहून आपले नंबर कसे बसे लावण्याचे प्रयत्न करतांना दिसत आहे. राज्यातील काही जिल्ह्यात कोरोना विषाणूचा 'डेल्टा प्लस' हा नवीन प्रकार आढळून आल्याने त्याचा प्रादुर्भाव नियंत्रणात ठेवण्याकरिता राज्यसरकारने आजपासून नवीन निर्बंध लावले आहे. तिसर्यां लाटेच्या धोका लक्षात घेऊन लोकांमध्ये लस घेण्याची एकच घाई झाल्याचे दिसत आहे.

आरोग्य कर्मचाऱ्यांनी ग्राम विकास विभाग, महसूल विभाग तसेच स्थानिक ग्राम पंचायत च्या सहाय्याने जनजागृती करून गढचांदुर, उपरवही, अवाळपुर, बिबी, माथा, पारडी परिसरातील  जास्तीत जास्त नागरिकांनी गर्दी न करता लसीकरण करून घेण्याचा आव्हान केले होते. आज  २८ रोजी सकाळी १० वाजता पासून या लसीकरण केन्द्रावर लसीकरणाला सुरूवात झाली. १८ वर्षांवरील सर्व नागरिकांना लसचा पहिला व दुसरा डोस देण्यात येत आहे.

कोरपना तालुक्यातील ग्रामीण भागातील नागरिकांसाठी उपकेंद्र उपरवाही 300 डोजेज, ग्रामपंचायत अवाळपूर 200 डोजेज, उपकेंद्र बीबी 100 डोजेज, उपकेंद्र माथा 100 डोजेज, उपकेंद्र पारडी 100 डोजेज असे एकूण 800 डोजेज उपलब्ध करण्यात आली आहे. लस घेण्याकरिता लोकांचा उत्स्फूर्त प्रतिसाद बघता ग्रामीण भागात लसीच्या डोसचे प्रमाण वाढविण्याची मागणी लोकांकडून होत आहे.

बातम्या अधिक आहे..... 

◼️ परदेश शिष्यवृत्ती अर्जासाठी 30 जून पर्यंत मुदतवाढ