कृषी संजीवनी मोहिमेअंतर्गत शेतकऱ्यांना मार्गदर्शन

• कोरपना तालुक्यातील बोरीनवेगाव येथे कृषी संजवनी मोहीम अंतर्गत पीक स्पर्धा रब्बी हंगाम कार्यक्रम

धनराजसिंह शेखावत - आमचा विदर्भ प्रतिनिधी

गडचांदूर -

कोरपना तालुक्यातील बोरीनवेगाव येथे कृषी संजवनी मोहीम अंतर्गत कार्यक्रम पीक स्पर्धा रब्बी हंगाम 2020-21 अंतर्गत विभागीय स्तर प्रथम क्रमांक रामचंद्र हिरामण कुडमेथे व कृषी सहायक बी.एल. तिडके व भाजीपाला उत्पादक हबीब शेख यांचा सत्कार उपविभागीय कृषी अधिकारी यांच्या हस्ते करण्यात आला. याप्रसंगी तालुका कृषी अधिकारी रविंद्र ढमाळे, कृषी सहायक कोकणे मैडम, बी.जी. बेवनाळे, डी.बी. भगत, डि.यु. कुळमेथे, बिबी येथील प्रगतीशील शेतकरी हबीब शेख, साईनाथ कुंभारे, शंकर तडस, अंबुजा फाउंडेशनच्या कामटकर, कृषीमित्र योगेश केराम आदी उपस्थित होते. 

शेतकऱ्यांनी शेतीचे तंत्र समजून उत्पन्न घेतले तरच ती फायद्याची ठरेल. त्याकरिता संपूर्ण जीव लावून शेती करावी लागेल, असे मार्गदर्शन उपविभागीय कृषी अधिकारी गोविंद मोरे यांनी केले. साईनाथ कुंभारे यांनी शेतीमधील नवीन प्रयोगाचे अनुभव सांगितले. तर भाजीपाला उत्पादक हबीब शेख यांनी भाजीपाला लागवड तंत्रज्ञान या विषयी मार्गदर्शन केले. या कार्यक्रमात बोरी नवेगाव येथील शेतकरी उपस्थीत होते.

बातम्या अधिक आहेत......

"डॉक्टर्स डे" उत्सवा निमित्य सेवा सप्ताह कार्याची सुरवात 🔵 डॉक्टरांनी हिर-हिरीने सहभागी व्हावे - आयएमए अध्यक्ष डॉ. मंगेश गुलवाडे