सावली तालुक्यातील गावातील ग्रामपंचायत सचिवाचा हेकेखोर पणा उजेडात.....

आमचा विदर्भ - ब्युरो रिपोर्ट्स
सावली -

सावली तालुक्यातील ग्रामपंचायत कापसी अंतर्गत दोन वर्षा पासून 2019/20/21 चे घरकुल पंतप्रधान आवास योजना, रमाई योजना अंतर्गत अनेक कामे सुरु आहेत. बेघर असलेल्यांना निवाऱ्याची व्यवस्था व्हावी म्हणून विविध शासकीय योजना राबवून घरकुल देण्यात येत असून ग्रामपंचायत कापशी येथे ही घरकुल काम सुरु आहेत. मात्र ग्रामपंचायत सचिव यांनी तब्बल घरकुल धारक लाभार्थ्यांचे झालेल्या कामाचे देयक प्रमाणपत्र मागण्यासाठी जाणाऱ्या लाभार्थी कडून प्रत्येक बिलाचे प्रमाणपत्र देताना 2000 रुपये मागितले जात असून एका लाभार्थ्याने सचिवाचे प्रकरण उजेडात आणले असून सदर ग्रामपंचायत सचिव यांनी वरिष्ठ अधिकारी यांना पैसे द्यावे लागत असल्यामुळे दोन दोन हजार रुपये प्रत्येक बिलाच्या प्रमाणपत्र देताना घेत असल्यामुळे घरकुल धारक लाभार्थी यांनी नाराजी व्यक्त करीत सरपंच सुनीता काचिनवार यांना तक्रार देऊन चौकशी करण्याची मागणी केली आहे. गोर गरिब जनतेला लुटणाऱ्याचा तपास करून योग्य कारवाई करणण्यात यावे अशी चर्चा कापशी गावात सुरु आहे. यावर वरिष्ठ अधिकारी यांचे नाव समोर येत असल्यामुळे अधिकारी काय निर्णय घेणार, की मूग गिळून बसणार? याकडे सर्वांचे लक्ष लागले आहे..