- प्रवासी बघतोय वाट, मात्र बसचा थांगपत्ताच नाही
सावली -
चंद्रपूर वरून सावली हरांबा गडचिरोली जाणारी बस मागील काही आठवड्यांपासून येत नसल्याने प्रवाश्यांना त्रास सहन करावा लागत आहे. चंद्रपूर वरून सकाळी ७.०० वाजता सुटणारी बस २ मार्चपासून बंद झाल्यामुळे आज येणार - उद्याला येणार म्हणून प्रवासी वाट बघत आहेत.
व्याहाड बुज येथे बँकेच्या कामाकरीता जायचे झाल्यास त्यांना दुपारच्या बसची वाट बघावी लागते.तसेच अनेक लोक गडचिरोली येथे कामाकरीता जात असतात बस नसल्याने त्यांना लिफ्ट मागून आपला प्रवास करावा लागतो. सध्या लग्न सीजन चालू असल्यामुळे लग्नाची खरेदी करण्यासाठी अनेक लोक गडचिरोली येथे जात असतात.
सावली पासून गडचिरोली जवळ असल्याने अनेकजण सकाळी येऊन आपले काम पूर्ण करून सायंकाळपर्यंत जात असतात. पण सकाळची बस नसल्याने त्यांना लिफ्ट किंवा दुसरा मार्ग शोधत प्रवास करावा लागतो.त्यामुळे हरांबा उपरी गडचिरोली बस लवकर चालू करावी अशी मागणी परिसरातील नागरिक करीत आहेत.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.