पोलीस अधीक्षकाच्याच नावाने फेसबुकवर बनावट अकाऊंट

Aamacha Vidarbha

Link Author आमचा विदर्भ न्यूजचे संस्थापक संपादक दीपक शर्मा हे २००८ पासून पत्रकारिता क्षेत्रात कार्यरत असून त्यांनी विविध दैनिके आणि वृत्त माध्यमांमध्ये काम करताना सामाजिक, शैक्षणिक, कामगार, ग्रामीण आणि जनसामान्यांच्या प्रश्नांवर सातत्याने लेखणी चालविली आहे. वर्ष २०१५ पासून त्यांनी डिजिटल पत्रकारितेच्या माध्यमातून वेगवान, तटस्थ आणि जनहिताच्या बातम्या जनतेपर्यंत पोहोचविण्याचे कार्य सुरू ठेवले आहे. सामाजिक माध्यमे आणि ऑनलाइन न्यूज प्लॅटफॉर्मच्या माध्यमातून त्यांनी अनेक स्थानिक प्रश्न प्रशासनापर्यंत पोहोचविले आहेत. त्यांच्या पत्रकारितेचा केंद्रबिंदू नेहमीच सर्वसामान्य नागरिक, शेतकरी, कामगार, विद्यार्थी आणि ग्रामीण भागातील समस्या राहिल्या आहेत. शिक्षण, आरोग्य, पर्यावरण, सामाजिक न्याय आणि प्रशासनातील त्रुटींवर त्यांनी सातत्याने वृत्तांकन केले आहे. पत्रकारिता ही केवळ बातमी देण्याचे माध्यम नसून समाजातील सत्य परिस्थिती लोकांसमोर आणण्याची जबाबदारी आहे, या भूमिकेतून त्यांचे कार्य अविरत सुरू आहे. निष्पक्ष, जनजागृतीपर आणि समाजाभिमुख पत्रकारितेमुळे त्यांची ओळख निर्माण झाली आहे.

Title: पोलीस अधीक्षकाच्याच नावाने फेसबुकवर बनावट अकाऊंट
Author: Aamacha Vidarbha
Rating 5 of 5 Des:

बनावट अकाऊंटसाठी पोलिस अधीक्षकांचा फोटोचा देखील वापर भामट्या विरोधात शहर ठाण्यात गुन्हा दाखल रक्षक पाटील - आमचा विदर्भ प्रतिनिधी नेर (यवतमाळ...

बनावट अकाऊंटसाठी पोलिस अधीक्षकांचा फोटोचा देखील वापर
भामट्या विरोधात शहर ठाण्यात गुन्हा दाखल

रक्षक पाटील - आमचा विदर्भ प्रतिनिधी

नेर (यवतमाळ) -

यवतमाळ पोलीस अधीक्षक नावाने बनावट फेसबुक अकाऊंट तयार करुन मित्रांकडे पैश्यांची मागणी केली. हा प्रकार लक्षात येताच एका मित्राने रविवारी रात्रीच्या सुमारास पोलिसांना माहिती दिली. त्यावरून सोमवारी सकाळी ते बनावट अकाऊंट बंद करून अज्ञात भामट्या विरोधात ठाण्यात गुन्हा दाखल करण्यात आला आहे. विशेष म्हणजे पोलिस अधिक्षक डॉ. दिलीप पाटील भुजबळ यांचा फोटो सुध्दा या बनावट अकाऊंटसाठी वापरण्यात आला.

पोलिस अधिक्षक डॉ. दिलीप पाटील भुजबळ यांच्या नावाने 'एसपी यवतमाळ' हे कार्यालयीन फेसबुक अकाऊंट आहे. अज्ञात एका भामट्याने 'एसपी यवतमाळ' नावाने एक नविन फेसबूक अकाऊंट तयार केले. त्यानंतर त्या अकाऊंटवरून चॅटिंग सुरू केली. त्याने जिल्हा पोलिस अधिक्षकांचा फोटो आणि नाव वापरले. दरम्यान त्या भामट्याने पोलिस अधिक्षकांचे मित्र व नातेवाइकांशी मॅसेंजरव्दारे संपर्क साधत आर्थिक अडचणीत आल्याचे सांगितले. मित्रांकडून मिळत असलेल्या सकारात्मक प्रतिसादानंतर पैश्याची मागणी सुरू केली.

गुगल पे असेल तर अर्जंट पैसे पाठवा असे मॅसेज अनेकांना केले. या प्रकारामूळे एक फेसबुक मित्र गोंधळला आणि त्याने थेट पोलिस अधिकाऱ्यांना याची माहिती देत चौकशी केली. त्यावेळी एसपी यवतमाळ नावाने बनावट अकाऊंट तयार झाल्याची बाब निदर्शनास आली. या प्रकरणामूळे पोलिस वर्तुळात एकच खळबळ उडाली.

घटनेचे गांभीर्य लक्षात घेता सोमवारी सकाळी पोलिसांनी ते बनावट अकाऊंट तात्काळ बंद केले. त्यानंतर यवतमाळ शहर पोलिस ठाण्यात तक्रार दाखल करण्यात आली. शहर पोलिसांनी बनावट अकाऊंट बनवणाऱ्या विरोधात विविध कलमान्वये गुन्हे नोंद केले. या प्रकरणी यवतमाळ जिल्हा सायबर सेलचे प्रमुख सहायक पोलिस निरिक्षक अमोल पुरी यांच्याशी संपर्क साधला असता, त्यांनी सदर बनावट अकाऊंट बंद केले असून या प्रकरणी गुन्हा दाखल करण्यात येत असल्याचे सांगितले.