सावली तालुक्यात रोजगार हमीचे कामे सुरु

कुमारी पोर्णिमा फाले - आमचा विदर्भ तालुका प्रतिनिधी

सावली -

सावली तालुक्यातील मौजा उसेगाव येथे रोजगार हमी योजनेची सुरुवात करण्यात आली. ‌पांदन रस्ता 500 मिटर निलकंठ भोयर ते गाव नाल्या पर्यंत चे काम सुरु करण्यात आले. यासाठी 480000 निधी मंजुर करण्यात आले आहे. याप्रसंगी सरपंच चक्रधर दुधे, उपसरपंच सुनिल पाल, सदस्य बंडु आभारी, सदस्य दीपिका किनेकार, सदस्य श्रीमती गोहणे, सदस्य सुगंधा मेश्राम,  सदस्य प्रतिभा शेरकर, चतु भोयर व गावकरी उपस्थित होते.

शासनाच्या विविध योजना या गावाचा विकास करण्यासाठी असतात, त्यानुसार संबंधित ग्रामपंचायतीला निधी दिला जातो तसेच लोकांना गावातच रोजगार हमी योजनेतुन काम मिळत असते, "प्रत्येक कामाला हात, हाताला काम" या रोजगार हमी योजनेच्या ब्रिदवाक्यातुन लोकांना मजुरी मिळणार आहे.

धानपिक हंगामानंतर अनेक मजुर हे मिरची तोडण्यासाठी परराज्यात, दुसऱ्या जिल्ह्यात जातात परंतु, मागील वर्षीपासुन कोरोना विषाणु संसर्गामुळे अनेकांना जाऊन परत यावे लागले, या वर्षी लोक जाण्यास टाळाटाळ करीत होते तसेच पुन्हा लाकडाउन होण्याचे संकेत शासन स्तरावरुन दिले जात आहेत, याचा विचार केल्यास रोजगार हमी योजनेची कामे सुरु झाल्याने लोकांना गावातच काम मिळेल व मजुरीपण मिळेल, त्यामुळे तालुक्यात सर्वत्र हि कामे सुरु करण्यात यावी, अशी मागणी आता तालुक्यात जोर धरू लागली आहे.