शेतकऱ्यांना मदत करणाऱ्या सरपंचाशी सेवा सहकारी संस्थेच्या अध्यक्षाची अरेरावी

• पीक कर्ज भरावयास येणाऱ्या शेतकऱ्यांना राहावे लागते टाळकळत

वीर पुणेकर - आमचा विदर्भ प्रतिनिधी (ग्रामीण)

राजुरा -

काढोली (बूज) सेवा सहकारी संस्था येथील शेतकरी सुहास झाडे स्वतःचे पीककर्ज परतफेड करण्याकरिता सेवा सहकारी संस्थेच्या कार्यालयात गेले असता सेवा सहकारी संस्थेच्या सचिव कार्यालयात उपस्थित नसल्या मुळे शेतकरी सुहास झाडे लागूनच असलेल्या ग्रामपंचायत कार्यालयात गेले आणि सरपंचाची भेट घेत सांगितले की त्यांना स्वतःचे पीककर्ज भरायचे आहे. परंतु सेवा सहकारी संस्थेचे सचिव कार्यालयात उपस्थित नसल्यामुळे व सतत मागील काही दिवसांन पासून संबंधित सहकारी संस्थेच्या कार्यालयात फेऱ्या मारीत आहे. परंतु त्यांचेशी भेट झाली नाही. घेतलेले पीककर्ज फेडून करून नवीन कर्ज घेणे आवश्यक असल्याने तुमच्या कडून कुठली मदत होईल का या आशेने तुमच्या कडे आलो आहे. तुमच्याकडे सचिव मॅडम यांच्या दूरध्वनी क्रमांक असल्यास त्यांना माझ्या मागील पीककर्जाची परत फेड किती आहे आणि त्या पिकर्जावर व्याज किती आकारण्यात आले आहे. याची माहिती मिळाली तर मला माझे पीककर्ज भरण्यास फारसी मदत होईल. त्यावेळी सरपंच्यानी सचिव यांना दूरध्वनी द्वारे संबंधित माहिती विचारली असता त्यांनी कुठल्याही प्रकारची माहिती देण्यास नकार दिला. तेवड्यात संबंधित सेवा सहकारी संस्थेच्या अध्यक्षानी सरपंचास दूरध्वनी केला आणि अरेरावी करत तुझी हुकूमशाही चालली आहे का? तुला माहिती द्यायला ही माहिती विचारांचा तुझा अधिकार नाही? सरपंच आणि संस्थेच्या अध्यक्षा मधील संभाषण एकूण शेतकऱ्यांत निराशेचे वातावरण निर्माण झाले आहे. सेवा संस्थेच्या पदाधिकाऱ्यांची आता भोळ्याभाबळ्या शेतकऱ्यांनी कुठे दाद मागायची. लहानसहान बाबीसाठी हि तालुकास्तर, जिल्हास्तर गाठायचे का असा प्रश्न निर्माण झाला आहे.