दुसऱ्या दिवशीही संयुक्त पथकाची धडक कार्यवाही सुरूच

• राजुरा शहरातील ३ दुकान सील ; दुकानांवर कडक कार्यवाही
• आदेशाचे उल्लंघन केल्यामुळे पुढील आदेशा पर्यंत सील झालेली दुकाने पूर्णतः बंद
• धोपटाला कॉलनी, गोवरी कॉलनी व ग्रामीण प्रसारातही कार्यवाही करण्याची ग्रामस्थांची मागणी

राजुरा -

कोरोना विषाणूचा वाढता पादुर्भाव बघता शासन आदेशानुसार १ मे पर्यंत कडक निर्बंध लागू करण्यात आले. स्थानिक तहसील प्रशासनानेसुद्धा एक आठवड्या करिता दवाखाने, औषधी आस्थापना वगळता सर्व आस्थापना बंद ठेवण्याचे आदेश दिले होते. नंतर त्यात सुधारणा करत जीवनावश्यक वस्तू आस्थापना सकाळी ७ ते ११ या वेळेतच सुरु ठेवण्याचे आदेश दिले होते. असे असतांना देखील आज सकाळी ११.३० ते १२.३० चे दरम्यान तहसील कार्यालय, नगर परिषद व पोलिसांच्या संयुक्त पथकाने गस्ती दरम्यान निर्देशित केलेल्या वेळेनंतर हि दुकाने सुरु ठेवणाऱ्या राजीव गांधी चौकातील राजेश कुमार सोमाणी यांचे जगदंबा किराणा अँड पान मटेरियल, देशपांडे वाडीतील अशोक सुधाकर बांगडे यांचे किराणा दुकान, गडचांदूर रोड रामपूर येथील सय्यद रफिक यांचे चिकन सेंटर ला शासनाचे संदर्भीय आदेशाचे उल्लंघन केल्यामुळे सदर आस्थापनां पुढील आदेशापर्यंत सील करून बंद करण्याचे आदेश देण्यात आले. सदर आस्थापना संचालका विरोधात फौजदारी कार्यवाही करण्यात येईल असेही तहसीलदार राजुरा तथा तालुका आपत्ती व्यवस्थापन प्राधिकरण कडून कळविण्यात आले आहे. गुरुवार दि. २२ एप्रिल ला शहरातील ५ आस्थापना वर कार्यवाही करत त्यांना सील करण्यात आले होते. 

सदरची कार्यवाही राजुरा चे कर्तव्यदक्ष तहसीलदार हरीश गाडे सर यांच्या आदेशाने महसूल विभागा चे नायब तहसीलदार अतुल गांगुर्डे, तलाठी सुभाष साळवे, समीर वाटेकर, दीपक गोहने, राहुल श्रीरामवार,एम.बी. अत्रे, नप अभियंता अक्षय सूर्यवंशी, सतीश देशमुख, जोशी, पाटील, पोलीस कर्मचारी भारत राठोड, महसूल, पोलीस विभाग व नगर परिषदेच्या संयुक्त पथकाने हि कडक कार्यवाही केली. 

नागिकांनी कडक निर्बंधाचे पालन करावे, असे व्यापारी स्वतःचा, स्वतःचे कुटुंबीयांचा व आपल्याच ग्राहकांचा जीव धोक्यात टाकत आहे. नागरिकांच्या अश्या बेजाबदारपणे वागण्याने आरोग्य यंत्रणेवर भयंकर ताण पडत आहे. तरी सर्वाना निर्बंधाचे काटेकोरपणे पालन करण्याचे आवाहन तहसीलदार हरीश गाडे यांनी केले आहे.