- कोळसा खाणीत पुन्हा खुलेआम चोरी
दिनांक 17 मार्चला रात्री 9 वाजता सास्ती ओपन कास्ट कोळसा खाणीच्या आतील बी 2 या कोळसा स्टॉकवर एक झायलो गाडी आली. यावेळी अधिकाऱ्यांची गाडी असावी, म्हणुन काही कामगार या गाडीजवळ आले. मात्र ते येईपर्यंत ही गाडी सुरूच झाली नाही. त्यामुळे चोरटे पळून गेले. चोरांनी उभ्या असलेल्या एका एक्साव्हेटर मशीन मधून आधीच डिझेल कॅन भरून घेतल्या होत्या. यावेळी कामगारांनी तातडीने व्यवस्थापनाला माहिती दिली. सुरक्षा रक्षकांचे फिरते पथक येथे आले. मात्र तोपर्यंत चोर पळून गेले.
या घटनेची माहिती राजुरा पोलिसांना देण्यात आली. घटनास्थळावरून एक झायलो गाडी क्रमांक एमएच 31 / 3678 किंमत रुपये दोन लाख, या गाडीत डिझेल भरलेल्या पाच कॅन, 175 लिटर डिझेल किंमत रुपये चौदा हजार व आठ रिकाम्या कॅन असा एकूण 2 लाख 14 हजार रूपयांचा मुद्देमाल जप्त करण्यात आला.
या प्रकरणी राजुरा पोलिसांनी अज्ञात आरोपीविरुद्ध गुन्हा दाखल केला आहे. ठाणेदार चंद्रशेखर बहादुरे यांच्या मार्गदर्शनात पोलीस उपनिरीक्षक प्रशांत साखरे अधिक तपास करीत आहेत.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.