ओबीसी मोर्चाला धनगर समाजाचा जाहीर पाठिंबा

• प्रबोधन मंच : धनगर समाजातील बांधवानी उपस्थित राहण्याचे आवाहन

अनंता गोखरे - आमचा विदर्भ प्रतिनिधी

राजुरा -

महाराणी अहिल्यादेवी समाज प्रबोधन मंच महाराष्ट्र राज्य मुंबई यांची राज्यस्तरीय ऑनलाईन सभा संपन्न झाली. यात चंद्रपूर येथे ओबीसी समाजाचा विशाल मोर्चा आयोजित करण्यात आला. यावर विचारमंथन होऊन चंद्रपूर जिल्हा शाखेच्या वतीने विमुक्त भटक्या समाजासह ओबीसी प्रवर्गातील दशा, स्थितीबाबत आपले मनोगत व्यक्त केले. या प्रवर्गातील लोकांना विकासाची संधी मिळण्याकरीता जनगणना होऊन त्यानुसार राजकीय, शैक्षणिक, आर्थिक क्षेत्रात संधी मिळालीच पाहीजे या विषयाला धरून केंद्र सरकारचे लक्ष वेधण्याकरीता चंद्रपूर येथे विशाल मोर्चाचे आयोजन करण्यात आले आहे. या मोर्चाला पाठिंबा असुन धनगर समाजातील बांधवानी जास्तीत जास्त संख्येने उपस्थित राहण्याचे आवाहन प्रबोधन मंचच्या वतीने डॉ मंगेश गुलवाडे, साईनाथ बुच्चे, कैलास उराडे, गजानन शेळके, हेमंत टोले, संजय कन्नावार, संदिप शेरकी, अबर खानेकर, बळीराम खुजे, पुंडलिक उराडे, अशोक वैद्य, चरणदास झाडे, रुपेश चिडे, अनंता गोखरे, रामकुमार आक्केपेल्लीवार, दशरथ धवणे, दिनेश पोतले, सचिन पडवे, संतोष दवंडे, सुधीर घुरूडे, धनंजय डवरे यांनी केले आहे.