राष्ट्रीय ओबीसी महासंघाचे वतीने थाळी वाजवा आंदोलन

• आमदार बंटीभाऊ भांगडीया यांच्या घरासमोर वाजविणार थाळी

मनोज सोगलकर  - विशेष प्रतिनिधी
चिमूर -
राष्ट्रीय ओबीसी महासंघ तालुका चिमूर च्या वतीने विविध मागण्या पूर्ण करण्यासाठी आमदार बंटीभाऊ भांगडीया यांच्या घरासमोर दि ८ ऑक्टोबर ला थाळी वाजवा आंदोलन करण्यात येत असुन तालुक्यातील ओबीसी बांधवांनी उपस्थित राहण्याचे आवाहन राष्ट्रीय ओबीसी महासंघ तालुका चिमूर ने केली आहे. 

महाराष्ट्र राज्यातील ५२ टक्के ओबीसी समाजाला सविंधानानुसार सोयी व सुविधा मिळाल्याचं पाहिजे या मुख्य मागणीसह विविध मागण्या करीता राष्ट्रीय अध्यक्ष डॉ.बबनराव तायवाडे यांच्या मार्गदर्शनाखाली राष्ट्रीय समनव्यक डॉ.अशोक जीवतोडे व महासचिव सचिन राजूरकर यांच्या नेतृत्वाखाली राज्यातील आमदार खासदार यांच्या घरासमोर थाळी आंदोलन आयोजित करण्यात आले आहे  

चिमूर विधानसभा क्षेत्राचे आमदार बंटीभाऊ भांगडीया यांच्या घरासमोर राष्ट्रीय ओबीसी महासंघ तालुका चिमूर थाळी वाजवून मुख्यमंत्री यांना एसडीओ मार्फत निवेदन देण्यात येणार असून तेव्हा चिमूर तालुक्यातील ओबीसी बांधवांनी उपस्थित राहण्याचे आवाहन  राष्ट्रीय ओबीसी महासंघ तालुका अध्यक्ष गजानन अगडे,किर्ती  रोकडे, रामभाऊ खडसिंगे, प्रकाश झाडे,सौ.लता पिसे,सौ.ममता डुकरे,सौ.भावना बावनकर, राजेंद्र लोणारे, किशोर भोयर, माधुरी  रेवतकर, ईश्वर डुकरे, अक्षय लांजेवार, वैभव लांडगे, योगेश थुटे, भूषण कावरे, यांनी केले आहे