आता विहिरगाव येथे उघड्यावर शौचास बसल्यास होणार पोलीस कार्यवाही - प्रशासक अमित महाजनवार

• गावात आता एकही बालक कुपोषित राहणार नाही
• शेवगा व इतर पौष्टिक आहार देणाऱ्या वनस्पतींची लागवड करण्याचा निर्णय
• माजी उपसरपंच इरशाद शेख, सघन शेतकरी व प्रतिष्ठित नागरिक बृहस्पती साळवे यांची प्रमुख उपस्थिती

अनंता गोखरे - तालुका प्रतिनिधी

राजुरा -

केंद्राच्या स्वच्छ भारत अभियानाच्या धर्तीवर राज्यात स्वच्छ महाराष्ट्र अभियानाची अंमलबजावणी सुरू आहे. गावातील ज्या कुटुंबांकडे शौचालयाची सुविधा नाही अशा कुटुंबांना शौचालयाची वैयक्तिक अथवा सामुदायिक सुविधा उपलब्ध करून देण्यात येत आहे. गाव हागणदारीमुक्त करणे आणि घनकचरा व्यवस्थापन करून गाव स्वच्छ करणे या दोन टप्यात हे अभियान राबविण्यात येते. घनकचरा व्यवस्थापन कायद्यातंर्गत आता विहिरगाव येथे उघड्यावर शौचास बसल्यास पोलीस कार्यवाही होणार असल्याचे प्रशासक अमित महाजनवार यांनी सांगितले. 

विहिरगाव येथे राष्ट्रपिता महात्मा गांधी व माजी पंतप्रधान लालबहादूर शास्त्री यांची जयंती साजरी करण्यात आली. यावेळी ग्रामसेवक सूर्यवंशी, माजी उपसरपंच इरशाद शेख, सघन शेतकरी व प्रतिष्ठित नागरिक बृहस्पती साळवे, रोजगार सेवक होरे सर्व ग्रामपंचायत कर्मचारी व नागरिक उपस्थित होते.

महाजनवार यांनी सांगितले कि, ग्रामस्वच्छता अभियान अंतर्गत सकस आहार साठी शासनाकडून ग्रामपंचायत ला प्राप्त 2 एकर जमीन स्वच्छ करण्याची सुरुवात व त्या नंतर या जमिनीवर शेवगा व इतर पौष्टिक आहार देणाऱ्या वनस्पतींची लागवड करण्याचा निर्णय घेण्यात येणार असून भविष्यात या आहाराचा उपयोग गावातील लहान बालकांना व गरोदर मातांना होईल व गाव कुपोषण मुक्त राहण्यासाठी मदत होईल. 

माझे कुटुंब माझी जवाबदारी या कार्यक्रमात विहिरगाव वासीयांनी सहभाग घेऊन कोविड 19 पासून स्वतःचा व कुटुंबाचा बचाव करावा तसेच सामाजिक अंतर राखावे, मास्क चा नियमित वापर करावा, सार्वजनिक ठिकाणी मास्क चा वापर न केल्यास 500 रुपये दंड आकारण्यात येईल, थकीत व नियमित गृहकर व पाणी कर भरून ग्रामपंचायत ला सहकार्य करण्याचे आवाहन त्यांनी केले. शौचालायचा नियमित वापर करावा, उघडयावर शौचास जाणाऱ्यावर दंडात्मक कार्यवाही करण्यात येईल, स्वच्छतेचे सर्व नियम पाळावे. जनतेच्या सहकार्याने विहिरगावला गांधीजींच्या स्वप्नातील गाव बनविण्याचा प्रयत्न करणार असल्याचे महाजनवर यांनी सांगितले. याप्रसंगी माजी उपसरपंच इर्शाद शेख, बृहस्पती साळवे यांनी सर्वपतोरी सहकार्य करण्याचे आश्वासन महाजनवार यांना या प्रसंगी दिले.