माझे कुटुंब माझी जवाबदारी मोहिमेला सहकार्य करा

• आ. प्रतिभा धानोरकर यांचे आवाहन, सभा घेऊन गैरसमज केले दूर

तालुका प्रतिनिधी -
भद्रावती -
माझे कुटुंब माझी जवाबदारी या राज्य शासनाच्या मोहिमेबद्दल सर्वत्र गैरसमज निर्माण झाल्यामुळे विशेषता ग्रामीण भागात या मोहिमेला विरोध होत आहे. मात्र ही मोहीम सर्व सामान्य माणसाच्या आरोग्याच्या हितासाठी सांगून कोणत्याही अफवांवर विश्वास न ठेवता या मोहिमेला सहकार्य करावे असे आवाहन भद्रावती वरोरा विधानसभा निर्वाचन क्षेत्राचे आ. प्रतिभा धानोरकर यांनी नागरिकांना केली आहे.

भद्रावती नगर परिषद सभागृहात दि.01 अक्टोबर रोजी सकाळी 11 वाजता घेण्यात आलेल्या बैठकित आ. प्रतिभा धानोरकर उपविभागीय अधिकारी सुभाष शिंदे, वैद्यकीय अधिकारी डॉ. आनंद किंनाके, नगराध्यक्ष अनिल धानोरकर, पंचायत समिती सभापती प्रवीण ठेंगणे व अन्य अधिकारी उपस्थित होते.

या सभेत सदर मोहीमेंबद्दल पसरलेल्या अफवांचे निराकरण करण्यात आले व या मोहिमे अंतर्गत नागरिकांच्या शरीरातील तापमान आक्सीजन आदीची नोंद घेतली जावे गंभीर बाब असलेल्या रुग्णांना केवळ उपचारासाठी दाखल करण्यात येत असल्याची माहिती देण्यात आली सभेत उपस्थीत नागरिकांच्या प्रश्नांची संपर्क उत्तर देऊन त्यांचे समाधान करण्यात आले.