काळजी घ्या - जिल्हास्तरावर बेडची संख्या कमी पडत आहे

• बल्लारपूर शहरात लक्षणे नसलेल्या कोरोना पॉझिटिव्ह रुग्णांसाठी गृहविलगिकरणाची सुविधा
• कॉल सेंटर द्वारे माहिती घेतली जाणार

File-Image

रमेश निषाद - प्रतिनिधी

बल्लारपूर -

दिवसेंदिवस वाढत असलेल्या कोरोना या विषाणूजन्य आजाराच्या पार्श्वभूमीवर प्रतिबंधात्मक कारवाई करण्याच्या दृष्टीने मा. जिल्हाधिकारी चंद्रपूर व रेपिड रिस्पॉन्स टीम चंद्रपूर यांच्या आदेशानुसार नगर परिषद क्षेत्रातील कोविड लक्षणे नसलेल्या मात्र कोरोना पॉझिटिव्ह  रुग्णासाठी गृहविलगीकरण प्रक्रिया राबविण्यात येत आहे.

याविषयीचा अधिक माहितीनुसार बल्लारपूर शहरात कोरोना रुग्णाचे प्रमाण दिवसेंदिवस वाढत असल्यामुळे जिल्हास्तरावर बेडची संख्या कमी पडत आहे यामुळे बल्लारपूर शहरात वा तालुक्यात कोरोना लक्षणे नसलेल्या कोविड रुग्णांसाठी होम आयसोलेशन (गृह विलगिकरण) करून त्यांच्यावर घरी राहूनच उपचार करण्याबाबत जिल्हा शल्यचिकित्सक यांच्या निर्देशानुसार पुढील उपाययोजना करण्यात येतील ज्यांच्याकडे स्वतंत्रपणे राहण्याची व्यवस्था आहे ज्यांना कोविड 19 ची लक्षणे नसतील अशा व्यक्तींना गृह विलगिकरणासाठी पात्र ठरविले जाईल या संदर्भात आरोग्य विभागाच्या वतीने संबंधित रुग्णाच्या घरी जाऊन सोयी सुविधाची तपासणी केली जाईल तसेच गृह विलगीकरणात असणाऱ्या रुग्णाच्या घरी ईतर कोणत्याही व्यक्ती/नातेवाईक यांनी भेट देऊ नये याकरिता होम अंडर आयसोलेशन असा फलक लावण्यात येईल तसेच शासनाच्या माध्यमातून कॉल सेंटर मधून कोरोना पॉझिटिव्ह रुग्णाला दिवसातून 2 वेळा कॉल करण्यात येऊन पॉझिटिव्ह रुग्णाची काळजी घेण्यात येईल कोरोना प्रादुर्भाव वाढू नये यासाठी जलद नियोजन व अचूक हालचाली करून परिस्थितीवर मात करने आवश्यक आहे.

म्हणून नागरिकांनी सदर आजाराचे गांभीर्य लक्षात घेणे गरजेचे आहे कोरोना विषाणूंचे लक्षण नसलेल्या कोरोना पॉझिटिव्ह रुग्णाची काळजी घेऊन योग्य तो उपचार करणे हाच होम आयसोलेशन चा मुख्य उद्देश आहे त्यामुळे नागरिकांनी खरी माहीती देऊन प्रशासनाला सहकार्य करावे असे आवाहन हरीश शर्मा नगराध्यक्ष बल्लारपूर, विजयकुमार सरनाईक मुख्याधिकारी बल्लारपूर, डॉ.पी.जी. मेश्राम वैद्यकीय अधिकारी, डॉ. अतुल कोहपरे तालुका वैद्यकीय अधिकारी इत्यादींनी नागरिकांना आवाहन केले आहे.