कुख्यात गुंडाची दिवसाढवळ्या धारदार शस्त्रानं हत्या

• नागपुरात थरार!
• कुख्यात गुंडाची दिवसाढवळ्या धारदार शस्त्रानं हत्या
• जुगार अड्डा चालक व कुख्यात बाल्या ऊर्फ किशोर बिनेकर याची धारदार शस्त्रांनी वार करुन निर्घृण हत्या
• बघा लाइव्ह व्हिडीओ....

आमचा विदर्भ - ब्युरो रिपोर्ट्स

नागपूर -

जुगार अड्डा चालक व कुख्यात बाल्या ऊर्फ किशोर बिनेकर याची धारदार शस्त्रांनी वार करुन निर्घृण हत्या करण्यात आली. ही थरारक घटना शनिवारी दुपारी ४ वाजताच्या सुमारास महाराजबाग रोडवरील बोले पेट्रोलपंपासमोर घडली.

दिवसाढवळ्या घडलेल्या या घटनेने पोलिसांच्या कार्यक्षमतेवर प्रश्नचिन्ह निर्माण झाले असून, नागरिकांमध्ये दहशतीचे वातावरण आहे. मिळालेल्या माहितीनुसार शनिवारी दुपारी बाल्या हा काळ्या रंगाच्या कारने जात होता. बोले पेट्रोल पंपाजवळ सिग्नल लागल्याने तो थांबवल्या याच वेळी मोपेड व बुलेटवर पाच जण आले. त्यांनी बाल्या याला कारमधून बाहेर काढले. त्याच्यावर धारदार शस्त्रांनी सपासप वार केले.

रक्ताच्या थारोळ्यात बाल्या खाली पडला. बाल्याचा मृत्यू झाल्याची खात्री पटताना मारेकरी मोपेड व बुलेटने वेगवेगळ्या दिशेने पसार झाले. घटनेची माहिती मिळताच पोलिस उपायुक्त विनीता शाहू, गुन्हेशाखेचे सहाय्यक पोलिस आयुक्त सुधीर नंदनवार यांच्यासह पोलिसांचा ताफा तेथे पोहोचला. पंचनामा करून पोलिसांनी बाल्याचा मृतदेह हॉस्पिटलकडे रवाना केला. पोलिसांनी परिसरातील सीसीटीव्ही फुटेज जप्त करून मोरकऱ्यांचा शोध सुरू केला आहे. बाल्याच्या हत्येप्रकरणी सीताबर्डी पोलिसांनी खुनाचा गुन्हा दाखल केला आहे.

येथे क्लिक करून बघा हत्येचा लाईव्ह व्हिडीओ