समाज कल्याण विभागाकडुन दिव्यांगाना उपयोगी साहित्य तथा धनादेशाचे वितरण

• सिंदेवाही पंचायत समितीत जि.प. अध्यक्षा सौ. संध्याताई गुरनुले यांचेहस्ते वाटप

मनोज सोगलकर - विशेष प्रतिनिधी

चंद्रपूर -

पंतप्रधान नरेंद्रजी मोदी यांच्या जन्मदिनाच्या शुभपर्वावर समाज कल्याण विभाग जि.प. चंद्रपूर यांचेवतिने तालुक्यातील दिव्यांग बंधूभगिनींना उपयोगी साहित्याचे वाटप तथा धनादेशाचे वितरण कार्यक्रम आज पंचायत समिती सभागृहात पार पडले. याप्रसंगी दिव्यांग बांधवांना धनादेश, व्हीलचेअर, कुबडी, इ. उपयोगी साहित्य तर आंतरजातीय दिव्यांग-अव्यांग विवाह योजनेअंतर्गत पात्र लाभार्थ्यांना प्रोत्साहनपर लाभाचे धनादेश ही जि.प. अध्यक्षा सौ. संध्याताई गुरनुले यांचेहस्ते वितरित करण्यात आले. 

याप्रसंगी मंचावर प्रमुख पाहुणे म्हणून, समाजकल्याण सभापती नागराजभाऊ गेडाम, पं.स. सभापती सौ. मंदाताई बाळबुद्धे, समाजकल्याण अधिकारी जाधव साहेब, संवर्ग विकास अधिकारी इल्लुरकर यांसह तालुक्यातील दिव्यांग बंधुभगिनी उपस्थित होते.