"राजुरा न.प. शिक्षण परिषदेला यशाचा सन्मान!"

"राजुरा न.प. शिक्षण परिषदेला यशाचा सन्मान!"

विद्यार्थीकेंद्रित शिक्षणाचा आदर्श उपक्रम

आमचा विदर्भ - दीपक शर्मा

राजुरा (दि. २६ जुलै २०२५) -

       स्थानिक नगर परिषद शिक्षण विभाग केंद्राची पहिली शिक्षण परिषद आदर्श मराठी प्राथमिक विद्यालयात उत्साहात पार पडली. परिषदेस अध्यक्ष म्हणून केंद्रप्रमुख बंडू ताजने यांची उपस्थिती होती. त्यांनी “विद्यार्थी केंद्रित शिक्षणातून मानवी जीवनमूल्य जोपासली जावीत” असे मत व्यक्त केले.

        प्रमुख अतिथी म्हणून गोपिकाबाई सांगडा पाटील आश्रम शाळेच्या मुख्याध्यापिका छाया मोहितकर, शिवाजी हायस्कूल चे मुख्याध्यापक गजानन खामनकर, सी.आर.जी. प्रतिनिधी सचिन वडेट्टीवार, बंडू बोढे, आदर्श हायस्कूल च्या मुख्याध्यापिका नलिनी पिंगे, मुख्याध्यापक सारीपुत्र जांभुळकर आणि राष्ट्रीय हरित सेना विभागप्रमुख बादल बेले उपस्थित होते.

        परिषदेमध्ये इंदिरा गांधी न.प. प्राथमिक शाळेच्या शिक्षिका निवेदिता पातुरकर यांनी शैक्षणिक साहित्याचा योग्य वापर आणि आदर्श मराठी प्राथमिक विद्यालयच्या प्राजक्ता साळवे यांनी मराठी विषयाचा आदर्श पाठ विद्यार्थ्यांसमोर सादर केला. सूत्रसंचालन रोशनी कांबळे, प्रास्ताविक नलिनी पिंगे, आभार ज्योती कल्लुरवार यांनी मानले.