वृद्धाश्रमातील अन्नदानाने आ. मुनगंटीवार यांच्या सेवा उपक्रमांना सुरुवात

वृद्धाश्रमातील अन्नदानाने आ. मुनगंटीवार यांच्या सेवा उपक्रमांना सुरुवात

ज्येष्ठांचे आशीर्वाद घेऊन लोकसेवेचा प्रारंभ

आमचा विदर्भ - दीपक शर्मा 

चंद्रपूर (दि. २८ जुलै २०२५) -

        माजी वने व सांस्कृतिक कार्य मंत्री आणि विद्यमान आमदार सुधीर भाऊ मुनगंटीवार यांच्या ३० जुलै रोजी होणाऱ्या वाढदिवसाच्या निमित्ताने सामाजिक उपक्रमांची सुरुवात झाली. बल्लारपूर येथील ओबीसी आघाडीचे अध्यक्ष अमोल झाडे यांच्या वतीने मातोश्री वृद्धाश्रम, विसापूर येथे अन्नदान व भेटवस्तू वाटप करून हा जनसेवेचा उपक्रम संपन्न झाला.

        यावेळी आमदार सुधीर मुनगंटीवार यांनी जेष्ठ नागरिकांचे आशीर्वाद घेतले व भावनिक प्रतिक्रिया व्यक्त केली. कार्यक्रमाला भाजपाचे ज्येष्ठ नेते चंदनसिंग चंदेल, शहराध्यक्ष रणंजय सिंग, अध्यक्ष अमोल मोरे, अजय जयस्वाल, विद्याताई देवाळकर, किशोर पंदीलवार, सतीश कनकम, सरिता कनकम, देवा वाटकर, पिंटू देऊळकर, किशोर मोहूर्ले, जयश्री मोहूर्ले, संदीप पोडे यांची उपस्थिती होती. वाढदिवस साजरा करण्याची ही सेवाभावी परंपरा हे जनतेशी असलेलं नातं अधोरेखित करते.