एम.डी. ड्रग्ज प्रकरणात दोन आरोपी अटकेत – १.९२ लाखांचा मुद्देमाल जप्त

एम.डी. ड्रग्ज प्रकरणात दोन आरोपी अटकेत – १.९२ लाखांचा मुद्देमाल जप्त

आमचा विदर्भ - दीपक शर्मा

चंद्रपूर (दि. २७ जुलै २०२५) -

        पोलीस अधीक्षक मुम्मका सुदर्शन यांच्या आदेशान्वये स्थानिक गुन्हे शाखा चंद्रपूरच्या पथकाने अंमली पदार्थ विरोधात मोठी कारवाई करत २० ग्रॅम एम.डी. (मेफोड्रॉन) पावडरसह १.९२ लाखांचा मुद्देमाल जप्त केला. सदर कारवाई पोलीस उपनिरीक्षक विनोद भुरले यांच्या नेतृत्वात करण्यात आली. गुन्हे शाखेचे पथक पेट्रोलिंग करत असताना गुप्त माहितीच्या आधारे बगडखिडकी परिसरात छापा टाकण्यात आला. या कारवाईत आरोपी विशाल  भोयर, वय २१ वर्ष व मो. फैज अब्दुल राशीद कुरेखी, वय २२ वर्ष दोन्ही रा. चंद्रपूर या दोघांकडून २० ग्रॅम मेफोड्रॉन व मोपेड असा एकूण १,९२,०००/- चा मुद्देमाल जप्त करण्यात आला असून, पोलीस स्टेशन रामनगर येथे एन.डी.पी.एस. अ‍ॅक्ट अंतर्गत गुन्हा दाखल करण्यात आला आहे.

         ही कारवाई मा. अपर पोलीस अधीक्षक ईश्वर कातकडे यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वात पु.उ.नि. विनोद भुरले, पु.उ.नि. सुनील गौरकार, पोहवा/सुभाष गोहोकार, सतिश अवथरे, रजनिकांत पुट्ठावार, दीपक डोंगरे, इम्रान खान, पोअ/किशोर वाकाटे, पोशि/हिरालाल गुप्ता, अजित शेंड, चपोशि/रिक्षब बारसिंगे व मिलिंद टेकाम सर्व – स्थानिक गुन्हे शाखा, चंद्रपूर यांनी यशस्वीरित्या पार पाडली.