गोंडपिपरी तालुक्यात उद्योग न आणू शकलेल्या आजी-माजींना घरी बसवा

ट्रक घेऊन प्रचार करणारे भूषण फुसे यांच्या गोंडपिपरीत रोड शो

आमचा विदर्भ - दीपक शर्मा 

गोंडपिपरी (दि. १७ नोव्हेंबर २०२४) -

        तेलंगणा सीमेवरील गोंडपिपरी तालुका उद्योगविहित आहेत. या तालुक्याला लागून बारमाही नद्या वाहतात असे असताना देखील इथल्या बेरोजगार युवकांना रोजगार मिळवून देण्यासाठी इथल्या आजी माजी आमदारांनी कोणतेही प्रयत्न केले नाही. परिणामी या तालुक्यात बेरोजगार युवकांची मोठी फौज तयार झाली आहे. उद्योगरहित या तालुक्याची भिस्त शेतीवर आहे. शेती, शेतमजुरी व रोजंदारीच्या कामावर येथील नागरिक आपली गुजराण करतात. शेतीचा हंगाम आटोपला कि तालुक्यातील बहुतांश मंडळी रोजगारासाठी परप्रांतात धाव घेतात. तालुक्यात सिचंनाचे सुद्धा मोठे प्रश्न आहे. निवडणूका आल्या कि येथील नेत्यांना विशेषकर आजी माजी लोकप्रतिनिधींना येथील समस्या आठवतात. एकदा निवडणूक निघून गेल्या कि मुद्याला बगल दिली जाते. येथील राजकारण्यांनी नेहमी खैरे-धनोजे असे जातीचे कार्ड खेळल्याने व येथील भोळी जनता या कार्डला बळी पडत असल्याने हि परिस्थिती गोंडपिपरी तालुक्यावर उद्भवली आहे. आता जाती-धर्माचे राजकारण करणाऱ्यांना येथील प्रस्थापित आजी माजी नेत्यांना घरचा रास्ता दाखवा असा प्रचार संभाजी ब्रिगेडचे उमेदवार तसेच सामाजिक कार्यकर्ते भूषण फुसे करीत आहे. (Bhushan Fuse campaigning with a truck in Gondpiparit road show)

        आज गोंडपिपरी तालुक्यात भूषण फुसे यांची प्रचार मोहीम जोरदार सुरु आहे. एकीकडे प्रस्थापितांच्या प्रचाराकरिता, फार्म भरून देण्याकरिता हेलिकॉप्टर ने मोठं मोठे आश्वासन देण्याकरिता नेते येत आहे. मात्र आज भूषण फुसे हे प्रचाराचा ट्रक घेत गोंडपिपरीत पोहोचले. सर्वात जास्त जे वाहन राजुरा विधानसभेत चालते त्यालाच आपले प्रचाराचे रथ बनवून प्रस्थापितांना भूषण फुसे आवाहन देत आहे. त्यांच्या आगळ्यावेगळ्या ट्रक ने प्रचार करण्याचा पद्धतीला पाहण्याकरिता मोठी गर्दी जमत असून जमलेल्या गर्दीला संभाषणाने सर्वसाधारण लोकांची मने ते जिंकत आहे. गोंडपिपरी तालुक्यातील जनतेने आता जाती-धर्माचे राजकारण करणाऱ्यांना प्रस्थापित आजी माजी नेत्यांना घरचा रास्ता दाखवणाराच असे रोखठोक सांगत असल्याने या निवडणुकीत गोंडपिपरी तालुका निर्णायक भूमिका निभावणार असल्याचे येथील जागृत मतदार बोलत आहे.

#CornerSabha #RajuraAssemblyElections2024 #Congress #BJP #ShetkariSanghtna #SambhajiBriged  #SocialWorker #BhushanFuse #SubhashDhote #AdvWamanraoChatap #DeoravBhongale #Afourwaybattle #MLA #ExMLA