नियमांची पायमल्ली करत दारू विक्रेत्यांकडून ग्राहकांची लूट

पत्रकाराने केले ''स्टिंग'' ऑपरेशन

नाईलाजाने राज्य उत्पादन शुल्क विभागाला करावी लागली कारवाई 

आमचा विदर्भ - दीपक शर्मा

राजुरा (दि. ०८ नोव्हेंबर २०२४) -

राज्य उत्पादन शुल्क विभागाने ७ नोव्हेंबर रोजी राजुरा येथील व्यंकटेश वाईन (देशी दारू दुकान) वर अतिरिक्त शुल्क आकारत असल्याबाबत कारवाई केली. अधीक्षकांच्या तपासणी दौऱ्यात हि कारवाई करण्यात आली. राज्य उत्पादन शुल्क विभागाचे अधीक्षक श्री. नितीन धार्मिक यांनी यावेळी तपासणी करून नियम भंग केल्याचे उघडकीस आणले. (Looting of customers by liquor sellers flouting the rules)

पत्रकार हे व्यंकटेश वाईन मध्ये गेले होते. दुकानातील कर्मचारी जास्तीचे पैसे घेत असल्याचे लक्षात आल्यावर त्यांनी लगेच मोबाईल काढत स्टिंग करण्यात सुरुवात केली. त्यांनी दुकानात येणाऱ्या मद्यप्रेमींशी संवाद सुद्धा साधला हे करत असताना या व्हिडिओत राज्य उत्पादन शुल्क विभागाचे अधिकारी दुकानाचा आतमध्ये अवधानाने आढळून आले. पत्रकाराने सदर बाब अधीक्षकांच्या निदर्शनास आणून दिल्याने सदर कार्यवाही करण्यात आली. परंतु याच प्रमाणे अधीक्षकांनी संपूर्ण राजूरात तपासणी केली तर या तपासणीत त्यांना मद्य विक्रीमध्ये अनियमितता आढळून आली किंवा नाही? हा प्रश्न अद्याप गुलदस्त्यातच आहे. स्टिंग ऑपरेशनमध्ये राज्य उत्पादन शुल्क विभागाचे अधिकारी अडकले म्हणून नाईलाजाने कारवाई करावी लागली अशी चर्चा सर्वत्र सुरु आहे. 

व्यंकटेश वाईनसह संपूर्ण शहरातील देशी दारू, वाईन शॉप्स, आणि बिअर शॉप्समध्ये देखील अवैध अतिरिक्त शुल्क आकारण्याचे प्रकार सर्रास घडत असल्याचे नागरिकांकडून सांगण्यात आले आहे. त्याचबरोबर, कोणतेही अधिकृत बिल न देता विक्री करण्यात येत असल्याचेही स्पष्ट झाले आहे. त्यामुळे ग्राहकांमध्ये असंतोष असून या प्रकरणावर राज्य उत्पादन शुल्क विभाग कारवाई करण्यात का धजावत आहे यावर प्रश्नचिन्ह निर्माण झाले आहे. 

राज्य उत्पादन शुल्क विभागाच्या नियमानुसार, ग्राहकांना त्यांच्या खरेदीवर अधिकृत रसीद देणे बंधनकारक आहे. कोणत्याही प्रकारचे अतिरिक्त शुल्क आकारणे हे विभागाच्या कलमानुसार कायद्याचे उल्लंघन ठरते. "मद्य विक्रीमध्ये पारदर्शकता ठेवण्याची आमची प्राथमिकता असून नियमबाह्य शुल्क आकारल्यास कठोर कारवाई करण्यात येईल," असे अधीक्षक श्री. धार्मिक यांनी त्या पत्रकारास सांगितले. 

नुकतेच काही बार चालवणाऱ्यानी लिहणारे न लिहणारे असे स्वतःहून ठरवत प*राना लिफाफे दिले होते. जाहिरातीची मागणी करणाऱ्या जागृत प*रारांनी ते लिफाफे घेतले नव्हते मात्र ज्या प*रारांनी लिफाफे घेतले त्या पैश्याची वसुली मध्यप्रेमींकडून वसूल करण्याकरिता अतिरिक्त पैसे तर घेत नाही आहे ना अशी चर्चा सुरु आहे. 

#StateExciseDepartment #Stingoperation #Countryliquorstore #SuperintendentofStateExciseDepartment #NitinDharmik #vigilantjournalist #journalist #Video #Advertising