वरुर रोड येथील बार अँड रेस्टॉरंट संचालकावर प्राणघातक हल्ला

राजुरा तालुक्यातील घटना

आमचा विदर्भ - 

राजुरा (दि. ११ जून २०२४) -

        वरुर रोड येथील मुख्य रस्त्यावर असलेल्या हॉटेल सितारा बार अँड रेस्टॉरंट येथे काल रात्री दहा वाजताच्या सुमारास बार संचालकावर प्राणघातक हल्ला झाला असून बार संचालकाची प्रकृती चिंताजनक असल्याची माहिती मिळाली आहे.  

        सोमवारी रात्री दहा वाजताच्या सुमारास मद्य प्राशन करण्यासाठी आलेल्या इसमाने बिलाच्या रकमेवरून वादाची सुरुवात झाली. नशेत असलेल्या ग्राहकाने बार मध्ये नासधूस करून बार चालक नारायण मंथापुरवार वय ५५ व त्याचा मुलगा व्यंकटेश मंथापुरवार वय ३५ यांना मारहाण केली. यावेळी मुलगा व्यंकटेश याच्या डोक्यावर मार लागल्याने तो रक्तबंबाळ झाला असून त्याला चंद्रपूर येथील खाजगी रुग्णालयात उपचारासाठी दाखल करण्यात आले आहे, त्याची प्रकृती चिंताजनक असल्याचे सूत्रांनी सांगितले. पोलिसांनी आरोपी राजेश गुमलवार वय ३४ रा. राजुरा, भीमराव गुमलवार वय २९ रा. वरुर रोड, रोहित कोकलवार वय २३ रा. वरुर रोड यांच्या विरुद्ध गुन्हा दाखल केला आहे. पोलीस निरीक्षक योगेश्वर पारधी यांच्या मार्गदर्शनात पोलीस उपनिरीक्षक पांडुरंग हाके करीत आहे. 

#aamchavidarbha #vidarbha #news #breakingnews #chandrapur #rajura #warurroad #PoliceStationRajura #crime #BarandRestaurant