गुडी सजावट स्पर्धेत नागरिकांचा उत्स्फूर्त प्रतिसाद

जेसीआय राजुरा ब्लॅक डायमंड द्वारे आयोजन

राजुरा (दि. 13 अप्रैल 2024) -

       जेसीआय राजुरा ब्लॅक डायमंड सिटी तर्फे हिंदू नववर्ष निमित्याने साजरा करण्यात येणाऱ्या गुडी पाडवा निमित्त "गुडी सजावट स्पर्धेचे" आयोजन ऑनलाइन पद्धतीने राजुरा वासीयांसाठी करण्यात आले होते. यात लोकांनी भरभरून प्रतिसाद दिला. एकूण 17 स्पर्धकांनी स्फुर्तपणे आपला सहभाग नोंदविला. 

        जेसीआय राजुरा ब्लॅक डायमंड सिटी चे सचिव जेसी अंकुश चव्हाण यांच्या संकल्पनेतून ही प्रतियोगिता आयोजित करण्यात आली होती. स्पर्धेत क्रमांक पटकाविणाऱ्या प्रथम तीन स्पर्धकांना "वेडिंग वर्ल्ड राजुरा" च्या संचालिका पल्लवी अंकुश चव्हाण यांच्याकडून सन्मान चिन्ह व भेटवस्तू प्रदान करण्यात आले.

        गुढी सजावट स्पर्धेमध्ये प्रथम क्रमांक सास्ती येथील पूजा प्रवीण भोयर यांनी पटकावला तसेच द्वितीय क्रमांक गढी वाडी येथील साधना राजू गौरशेट्टीवार तर तृतीय क्रमांक देशपांडे वाडी येथील ईशानी निखिल देशपांडे यांनी पटकावला. विजेत्यांना सुषमा शुक्ला, जेसीआय राजुरा ब्लॅक डायमंड सिटी चे अध्यक्ष जहीर लखानी, सचिव अंकुश चव्हाण व उपस्थित पाहुण्यांच्या हस्ते सन्मानचिन्ह व भेटवस्तू प्रदान करून सन्माननीत करण्यात आले.

        बक्षीस वितरण कार्यक्रमाचे आयोजन साई हॉटेल येथे करण्यात आले होते. बक्षीस वितरण कार्यक्रमात झोन वाईस प्रेसिडेंट जेसी सुषमा शुक्ला, जेसीआय राजुरा ब्लॅक डायमंड सिटी चे अध्यक्ष जेसी जहिर लाखानी, सचिव अंकुश चव्हाण, कोषाध्यक्ष प्रणय विरमलवार, व्हाईस प्रेसिडेंट सुशील कल्लूरवार, अभिषेक कुल्लूरवार, मोहम्मद अब्बास खेरानी, अनिल चव्हाण, शुभम मुने, मनोज लांडे, पूजा भोयर, साधना गौरशेट्टीवार, ईशानी देशपांडे , निखिल देशपांडे, प्रवीण भोयर आदी उपस्थित होते. 

(aamcha vidarbha) (vidarbha) (maharashtra) (rajasthani mahila mandal) (rajura) (JCI black diamond city)