आगीत शेतातील गोठा जळून खाक

शॉर्ट सर्किटमुळे लागली आग

गोवरी शेतशिवारातील घटना

आमचा विदर्भ - दीपक शर्मा

राजुरा (दि. २४ एप्रिल २०२४) -

        तालुक्यातील गोवरी येथील शेतकरी नागेश्वर ठेंगणे यांचे शेतातील कवेलूच्या गोठ्याला रविवारी सायं. ७ वाजताच्या सुमारास शॉर्ट सर्किटमुळे अचानक आग लागली. या आगीत गोठ्यात ठेवलेले शेती उपयोगी साहित्य जळून खाक झाल्याने शेतकऱ्यांचे नुकसान झाले आहे.

        राजुरा तालुक्यात रविवारी काही ठिकाणी सायंकाळी ७ वाजताच्या सुमारास वादळी वाऱ्यासह पाऊस झाला. यात आलेल्या वादळाने गोवरी येथील शेतकरी नागेश्वर ठेंगणे यांच्या शेतातील गोठ्यात शॉर्ट सर्किटमुळे आग लागली.गोठ्याच्या वरून वीज पंपांना वीज पुरवठा करणाऱ्या तारा गेल्या आहेत. शेतातील वीज खांब वाकून असल्याने वाऱ्याने तारांचा एकमेकांना स्पर्श होऊन शॉर्ट सर्किटमुळे आगीची ठिणगी पडून वाळलेल्या गवताने पेट घेतला. या आगीत वाऱ्याने आग शेतातील गोठ्यापर्यंत पसरत गेली. यात गोठ्याला आग लागून त्यात ठेवलेले साहित्य जळून खाक झाले. वीज वितरण कंपनीने  खबरदारी घेत शेतातील वीज खांब सुरळीत केल्यास आगीच्या घटनांना पायबंद घालता येईल. (aamcha vidarbha) (vidarbha) (rajura)