धक्कादायक ; मुलाने कुल्हाडीने केली आईची हत्या

वडील गंभीर जखमी 

आमचा विदर्भ - धनराजसिंह शेखावत, तालुका प्रतिनिधी

कोरपना (दि. 21 फेब्रुवारी 2024) 

        कोरपना तालुक्यातील लोणी येथील एका मुलाने आपल्या वयोवृद्ध आई वडिलाला एका खोलीत बंद करून कुऱ्हाडीने वार केल्याची घटना आज 21 फेब्रुवारी रोजी दुपारी अंदाजे 2 च्या सुमारास घडली. घटनेत आईचा जागीच मृत्यू झाला असून वडील गंभीर जखमी आहे. वडीलाला  उपचारासाठी 

 कोरपना सरकारी रुग्णालयात दाखल करण्यात आले मात्र प्रकृती चिंताजनक असल्याचे वृत्त आहे. घटनेमुळे परिसरात एकच खळबळ उडाली असून घटनेनंतर फरार आरोपीला अटक करण्यात आल्याचे कळते.

        मनोज पांडूरंग सातपुते वयवर्ष अंदाजे 45, असे आरोपी मुलाचे नाव असल्याचे कळते. शेतीच्या ठेक्यातून मिळालेल्या पैशातून यांच्यात हा वाद झाला आणि या वादातून सदर घटना घडल्याची माहिती विश्वसनीय सूत्रांकडून मिळाली आहे. आरोपी मुलांने एका खोलीत आई आणि वडीलाला बंद केले आणि अत्यंत क्रूरतेने आईच्या डोक्यावर कुऱ्हाडीने 4 आणि हातावर 2 वार करून आईला जागीच ठार केला तर वडीलाच्या डोक्यावर 2 वार करून त्याला गंभीर जखमी करून वहीनीच्या मागे धावला, मात्र ती एका खोलीत लपवून अंदरून दरवाजा बंद केल्याने तिचा जीव वाचला.घटनेनंतर आरोपी मुलाने तेथुन पळ काढला मात्र पोलिसांनी त्याला अटक केली. आहे.पुढील कारवाई कोरपना पोलीस करीत आहे. पुढे काय समोर येते याकडे सर्वांचे लक्ष लागले आहे. (aamcha vidarbha) (korpana) (Crime)