मजुराचा पोटात शिरली शिरली लोखंडी सलाख़

चंद्रपूर (दि. १६ जानेवारी २०२४) –
        चंद्रपूर-नागपूर रस्त्यावरील डॉ. मेहरा हॉस्पिटलसमोर चार मजली बांधकाम सुरू असलेल्या इमारतीवरून पडलेल्या मजुराच्या पोटात लोखंडी सळाख शिरल्याने तो गंभीर जखमी झाला. नंदकिशोर जखराखण पंच (वय 32, रा. अष्टभुजा वार्ड) असे गंभीर जखमी मजुराचे नाव आहे.

चंद्रपूर-नागपूर रस्त्यावर चार मजली इमारतीचे काम सुरू आहे. यावेळी अष्टभुजा वॉर्डातील रहिवासी नंदकिशोर हे कार्यरत होते. अचानक त्याच्यावर सेंटरिंग पट्ट्या पडल्याने तोल जाऊन इमारतीवरून खाली पडला. खाली पडताच त्याच्या पोटात खांबाचा लोखंडी रॉड शिरला. दरम्यान आसपासच्या नागरिकांनी त्याला वाचविण्यासाठी घटनास्थळी धाव घेतली. नागरिकांनी त्याला वाचविण्याचा प्रयत्न केला. मात्र रॉड पोटातून आत गेल्याने कटरच्या साहाय्याने तो कापावा लागला. तत्काळ रुग्णवाहिका बोलावून त्यांना जिल्हा शासकीय रुग्णालयात दाखल केले. मात्र त्यांची प्रकृती गंभीर झाल्याने त्यांना खासगी रुग्णालयात दाखल केले. माहितीच्या आधारे एपीआय स्वप्नील गोपाळे, देविदास राठोड यांनी पोहोचून पंचनामा केला.