सीमाभागात पिस्तूलसह एका आरोपीला अटक

पेट्रोलपंप दरोड्यानंतर पोलीस सतर्क

आमचा विदर्भ - दीपक शर्मा

राजुरा (दि. ९ जानेवारी २०२३) -

        (petrol pump robbery) वरुड रोड परिसरातील पेट्रोल पंपावर शनिवारी पहाटे एक लाख 90 हजार रुपयांचा एवज लुटण्याची घटना घडल्यानंतर राजुरा पोलीस सतर्क झाले असून पोलिसांनी अवैधरित्या शस्त्र बाळगणाऱ्यांची शोध मोहीम सुरू केली आहे. राजुरा तालुका हा महाराष्ट्र-तेलंगणा सीमावर्ती भागात येत असल्याने रविवारी सायंकाळी सहा वाजता राजुरा पोलिसांना मोठ्या कारवाईत यश आले.. पोलिसांनी एका आरोपीला देशी बनावटीच्या पिस्तुलासह अटक केली आहे. आरोपी अजय माणिकराव देवगडे वय २४ राहणार पराधीगुडा (लक्कडकोट) याच्याकडे देशी बनावटीचे पिस्तूल असल्याची गुप्त माहिती पोलिसांना मिळाली. पोलिसांना ही माहिती मिळतात त्यांनी त्याच्या घरावर छापा मारून त्याला पिस्तुलासह अटक केली. ही कारवाई जिल्हा पोलीस अधीक्षक रवींद्रसिंह परदेशी यांच्या मार्गदर्शनाखाली अप्पर जिल्हा पोलीस अधीक्षक रीना जनबंधू, उपविभागीय पोलीस अधिकारी दीपक साखरे, पोलीस निरीक्षक योगेश्वर पारधी, सहाय्यक पोलीस निरीक्षक धर्मेंद्र जोशी, पोलीस उपनिरीक्षक पांडुरंग हाके, पोलीस हवालदार किशोर तुमराम, सुनील गौरकार आदींनी केली. (aamcha vidarbha) (rajura)