लक्कडकोट वासियांनी केला आदर्श कायम

ग्रामसभेत गावात दारूबंदीचा निर्णय

आमचा विदर्भ - दीपक शर्मा

राजुरा (दि. २३ नोव्हेंबर २०२३) -

        राजुरा विधानसभा क्षेत्रात अवैध धंद्यांना ऊत आले असून जागोजागी बियर बार, बियर शॉपी, वाईन बार, अवैध दारू विक्री, अवैध कोळसा स्टाल असे धंधे सुरु असून त्यात वरुर व पोडसा येथील शासकीय परवानगीने सुरु असलेल्या मनोरंजन क्लब मुळे सर्वसामान्य नागरिक परेशान आहेत मात्र आता चंद्रपूर जिल्यातील राजुरा तालुक्यातील लक्कडकोट येथे झालेल्या ग्रामसभेत दारूबंदीचा निर्णय आदर्श ठरेल असे भाकीत व्यक्त करण्यात येत आहे. 

        ग्रामपंचायत लक्कडकोट येथे ग्राम सभा घेण्यात आली. ग्राम सभेत गावातील महिला व पुरुष मिळून 132 लोकांची उपस्थिती होती. या ग्रामसभेत क्लब आणि बियर बार सुरू करण्याकरीता ग्राम पंचायत कार्यलयाकडून ना हरकत प्रमाणपत्राची मागणी करण्यात आली. या मागणीचा सर्वानी विरोध दर्शवित मागणी फेटाळून लावली. मागणीला विरोध दर्शविण्यात महिलांची संख्या अधिक होती हे येथे विशेष. यावेळी महिलांनी गावाला १००% नाशामुक्त ठेवण्याचा निर्णय घेतला. निर्णयाला गावातील सर्वनागरिकांनी आपली समहती दर्शवली या ऐतिहासिक निर्णया मुळे लक्कडकोट गावातील नागरिकांचे सर्वत्र कौतुक करण्यात येत आहे. गावात लवकरच दारूमुक्त करण्याकरिता संबंधित विभागाशी पाठपुरावा करून सुरु असलेल्या बियर बार ला ग्राम पंचायत कडून बंदी चे नोटीस देण्याच्या सुचना गावकरांनी सचिवाला दिल्या आहे. ग्रामसभेच्या या निर्णयाला प्रशासनाची किती साथ मिळेल याकडे सर्वांचे लक्ष लागले आहे. (rajura) (lakkadkot) (aamcha vidarbha)