मुस्लिम समाजाने दिला सामाजिक एकोप्याचा संदेश

राजुरा येथे मुस्लीम बांधवांकडून गणेश मंडळांचा सत्कार व केळी, पाणी बाॅटल वाटप

आमचा विदर्भ - दीपक शर्मा द्वारे

राजुरा (दि. ३० सप्टेंबर २०२३) -

        मुस्लिम समाजाने सामाजिक एकोप्याचा संदेश देत शहरातून निघणार्‍या श्री गणेश विसर्जन मिरवणूकीचे औचित्य साधुन राजुरा मुस्लीम समाज बांधवांनी डॉ. बाबासाहेब आंबेडकर चौक राजुरा येथे गणेश मंडळाच्या प्रमुखांना शाल, श्रीफळ व पुष्पहार घालून स्वागत करत सत्कार करण्यात आला. तसेच गणेश भक्तांना केळी, पाणी वाटप करण्यात आले. 

        दरवर्षी राजुरा शहरात मोठ्या प्रमाणात गणेश मंडळांकडून श्री गणेश मूर्तीच्या स्थापना केल्या जातात व पौर्णिमेच्या दिवशी ढोल ताश्याच्या व विविध देखावे सादर करीत श्री गणेशाला निरोप देत असते. यावर्षी सुद्धा शहरात मोठ्या प्रमाणात गणेश मंडळांचा सहभाग होता. शांतताप्रिय समजल्या जाणाऱ्या राजुरा शहरात ईदच्या दिवशी सर्व धर्मियांनी मुस्लीम बांधवांना शुभेच्छा देत सामाजिक एकोप्याचा एकतेचा संदेश दिला होता, तर दुसऱ्या दिवशी मुस्लीम समाजांनी गणेश मंडळांना शाल, श्रीफळ व पुष्पगुच्छ देत शुभेच्छा दिल्या व गणेश भक्तांना केळी, पाणी वाटप करण्यात आले. 

        यावेळी नसीर उल्ला बेग, निजाम बुखारी, सैय्यद शहेजाद अली, बाबा बेग, ऐजाज अहेमद, शाहनवाज कुरेशी, रकीब शेख, शब्बीर पठाण, अब्दुल फारुख, शहबाज कुरेशी, फारुख शेख, मतीन कुरेशी, आसीफ सैय्यद, मोहम्मद नाफे शेख, सैय्यद जाकीर, सालम चाउस, अब्दुल जुनेद, रियाज कुरैशी, वसीम शेख, मोहम्मद कबीर कुरैशी, जियाऊल हक,जावेद सिद्दिकि, फिरोज शेख व अनेक मुस्लिम बांधवांची उपस्थिती होती. (rajura) (aamcha vidarbha)