हिरापुरात जगन्नाथ बाबांचा जयघोष

दर महिन्यातील १६ तारखेला घुगरी काला

पंचमुखी देवस्थान हिरापुर येथे करतात शेकडो भाविक गर्दी

आमचा विदर्भ - अनंता गोखरे द्वारे

राजुरा (दि. २२ जुन २०२३) -

        विदेही सद्गुरु जगन्नाथ महाराज यांची प्राणप्रतिष्ठा असलेल्या सोळा तारखेला पंचमुखी देवस्थान हिरापुर यांच्या वतीने वामनबाबा पावडे यांच्या उपस्थितीत शेकडो भविकांसोबत दर महिन्याच्या सोळा तारखेला घुगरी काला केला जात आहे. तापमानाचा पारा चाळीसच्या वर असतानाही भाविकांची सदगुरू जगन्नाथ बाबावर असलेली श्रद्धा रखरखत्या उन्हात दिसून येत आहे. (Ghugri Kala on 16th of every month)

        अनाथाचा नाथ असलेले सद्गुरु जगन्नाथ महाराज यांची लीला ही अपरंपार होती. सर्व निसर्गावर त्यांची किमया होती. त्यामुळे आज जगन्नाथ बाबा यांना मानणारे भक्त मोठ्या प्रमाणात गावोगावी दिसून येत आहे. विदेही संत श्री जगन्नाथ महाराजांचे बहुतांश समाजात अनेक भक्तगण आहेत. दर महिन्याची १६ तारीख ही महाराजांच्या आस्थेने भक्तीमय वातावरणात विविध मठामध्ये साजरी होते. या निमित्ताने परिसरात आध्यात्मिकता व एकोपा निर्माण होत असते. यामुळे मनाला शांती व समाधान मिळत असते. वामनबाबा हे या परिसरातील श्रध्दास्थान आहेत. यामुळे हिरापूर येथे दर १६ तारखेला भक्तांची मोठी गर्दी उसळून येत आहे. वामन बाबा यांच्या उपवासाला बावीस महिने पूर्ण झाले असून त्यांचे उपवास वारी अजूनही सुरूच आहे.

        विदर्भ ही संतांची कर्मभूमी म्हणून ओळखली जाते यात विविध धर्माच्या संस्कृतीचे जतन करून त्या परंपरागत पाळल्या आहे. अनेक देवदेवतांचा वसा विविध सामाजिक संघटनेच्या माध्यमातून चालवीत आहे. कोरपना तालुक्यातील हिरापूर गावात वामन बाबा पावडे यांनी (दि. ६ ऑगस्ट २१) अखंड उपवासाला सुरुवात केली त्या. अखंड उपवासाची (दि.६ जून २२) पूर्ण बावीस महिने पूर्ण झाले असून अजूनही त्यांची उपवासाची वारी सुरू आहे. (Hundreds of devotees throng the Panchmukhi Hanuman Mandir at Hirapur)

        दर महिन्याच्या १६ तारखेला होम हवन, दहीहंडी सह भक्तांसाठी घुगरी काल्याचे आयोजन पंचमुखी नंदिगड सेवा समिती द्वारे करण्यात येत आहे, वामन बाबा यांना मानणारे भाविक तालुक्यासह जिल्ह्यात मोठ्या प्रमाणात आहे. या ठिकाणी होम हवन कुंडातील रक्षा मानसिक, शाररिक व्याधी दूर करीत असल्याची श्रद्धा भाविकांमध्ये असल्याने याठिकाणी दूर दूरचे भाविक दर्शनासाठी हिरापूर येथे येत असून वामन बाबाच्या दर्शनामुळे मानसिक समाधान प्राप्त होत असल्याचे भाविक सांगत आहे. (Gadchandur) (aamcha vidarbha)