सिंधी शेतशिवारात विज पडून सात जण जखमी

जखमींवर उपजिल्हा रुग्णालयात उपचार सुरू

आमचा विदर्भ - दीपक शर्मा 

राजुरा (दि. २४ मार्च २०२३) -

        राजुरा तालुक्यातील मौजा सिंधी शेतशिवारात विज पड्न सात जण जखमी झाले आहे. जखमींना उपजिल्हा रुग्णालय राजुरा येथे दाखल करण्यात आले असून त्यांच्यावर उपचार सुरू आहे.

        आज दुपारी एक वाजताच्या सुमारास सिंधी येथील मधुकर धानोरकर यांचे शेतात शेतमालक, पत्नी व इतर १५ मजुर काम करित असताना मेघगर्जनेसह पावसाला सुरुवात झाली. यावेळी शिवारात विज कोसळली व त्यात मधुकर धानोरकर, उषा सुरेश चौधरी हे जखमी झाले आहे. याशिवाय किरण पुरुषोत्तम चौधरी, माधुरी भाष्कर मोरे, मंदाबाई मधुकर धानोरकर, मृनाल शेषराव बोबडे, अर्चना सुनिल चौधरी असे इतर जखमी झाले. या सर्व जखमींना उपचारार्थ ग्रामीण रुग्नालय राजुरा दाखल करण्यात आले आहेत. या सर्वांवर उपचार सुरू आहेत. यापैकी मधुकर उद्‌धव धानोरकर व उषा सुरेश चौधरी हे गंभीर जखमी असल्याचे सांगण्यात येत आहे.