1738 विद्यार्थी देत आहेत 7 केंद्रावरून परीक्षा
आमचा विदर्भ - धनराजसिंह शेखावत तालुका प्रतिनिधी
कोरपना (दि. 2 मार्च 2023) -
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात येणाऱ्या 10वी च्या परीक्षा 2 मार्च पासून सुरु झाल्या आहेत,
कोरपना तालुक्यातील 7 परीक्षा केंद्रावरून एकूण 1738 विद्यार्थी परीक्षा देत आहेत. सर्वाधिक विद्यार्थी सावित्रीबाई फुले विद्यालय गडचांदूर या परीक्षा केंद्रावर 379 आहेत. महात्मा गांधी विद्यालय गडचांदूर येथे 337, वसंतराव नाईक विद्यालय कोरपना ला 201, स्व. भाऊराव पाटील चटप आश्रम शाळा कोरपना ला 200, जवाहरलाल नेहरू विद्यालय आवारपूर ला 257, आदर्श किसान विद्यालय नारंडा 149, माध्यमिक आश्रम शाळा धानोली 215 असे एकूण 7 परीक्षा केंद्र आहेत.
कोरपना तालुक्याचे परीरक्षक कार्यालय महात्मा गांधी विद्यालय गडचांदूर येथे असून या कार्यालयचे परीक्षक म्हणून शिक्षण विस्तार अधिकारी सचिनकुमार मालवीय जबाबदारी सांभाळत आहेत, तर उपपरिक्षक म्हणून रवींद्र आत्राम त्यांना सहकार्य करीत आहे. आज पहिल्या दिवशी जिल्हा परिषदेच्या शिक्षणाधिकारी कल्पना चव्हाण, गट विकास अधिकारी विजय पेंदाम यांनी कोरपना येथील परीक्षा केंद्राला भेट देऊन पाहणी केली. शांतता व सुव्यवस्था मध्ये पार पडावी यासाठी सर्वच परीक्षा केंद्रावर पोलीस बंदोबस्त चोख ठेवण्यात आला आहे,
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.