कारमध्ये इसमाचा पक्षाघाताने मृत्यू

आमचा विदर्भ - न्यूज नेटवर्क 

नागभीड -

        नागभीड - चंद्रपूर महामार्गावरून स्वतःच्या कारने प्रवास करीत असताना सावरगाव - चिखलगावच्यामध्ये इसमाचा चारचाकी वाहनातच मृत्यू झाल्याची घटना बुधवारी रात्रीच्या सुमारास घडली असून रात्री तळोधी पोलिसांनी पेट्रोलियम करीत असताना त्यांच्या निदर्शनात आली. मृतकाचे नाव लंकेश देविदास कावरे (28)असून तो गडचिरोली जिल्ह्यातील आरमोरी तालुक्यातील वडधा गावचा रहिवासी आहे. सविस्तर वत्त याप्रमाणे आहे की. मृतक हा ब्रह्मपुरी येथून चंद्रपूरकडे जात असताना सावरगाव -चिखलगावच्या मध्ये वांढरू देवस्थान जवळ चारचाकी वाहन (एम.एच.34 बी एफ 3509) रस्त्याच्या कडेला रात्री थांबून होते. दरम्यान तळोधी पोलिसांकडून पेट्रोलियम सुरू असताना सदर गाडी उभी दिसली. पोलिसांनी चौकशी केली असता इसम बेशुद्ध अवस्थेत आढळून आला. तत्काळ सदर इसमास नागभीड ग्रामीण रुग्णालयात दाखल केले. मात्र. डॉक्टरांनी त्याला मृत घोषित केले. मृत इसमाच्या मोबाइलवरून कॉल करून या घटनेची माहिती त्यांच्या कुटुंबीयांना देण्यात आली. डॉक्टरांनी पक्षघाताने मृत्यू झाल्याचे शवविच्छेदनंतर सिद्ध केले. तसेच मृतकाला मिरगी रोगाचा त्रास असल्याचे कुटुंबीयांनी सांगितले दरम्यान तळोधी पोलिसांनी मर्ग क्र.8/22 कलम 174 अंतर्गत मृत्युंची नोंद केली आहे. त्याच्या मागे वडील, भाऊ असा परिवार आहे.