जुन्या वादातून वृद्धावर चाकूने हल्ला

वृद्धाला उपचारासाठी नेताना वाटेतच मृत्यू

आमचा विदर्भ - न्यूज नेटवर्क

गोंडपिपरी -

        जुन्या वादातून वृद्धावर चाकूने हल्ला करून ठार केल्याची खळबळजनक घटना 12 ऑक्टोबरला सकाळ 9 वाजताच्या सुमारास गोंडपिपरी तालुक्यात घडली. गोंडपिपरी तालुकाच्या शेवटच्या टोकावर असलेल्या दरुर येथील किसन बाघू वराते (75) यांच्यावर वैयक्तिक जुन्या वादावरून मोरेश्वर गिरमा भोयर (45) यांनी धारदार चाकूने हल्ला करून गंभीररीत्या जखमी केले. घटनेची माहिती मिळताच ठाणेदार जीवन राजगुरू यांनी सहकऱ्यांसह घटनास्थळ गाठून आरोपीला ताब्यात घेतले. तर मृतक किसन वराते यांना उपचारासाठी गोंडपिपरीवरून चंद्रपूर येथील रुग्णालयात नेताना वाटेतच कोठारीजवळ त्यांची प्राणज्योत मालवली. आरोपीला गुरुवारी न्यायालयात हाजर करणार असून पुढील तपास गोंडपिपरी पोलिस करत आहे.