विजेच्या धक्याने वायरमनचा जागीच मृत्यू

विजेच्या धक्याने वायरमनचा जागीच मृत्यू

आमचा विदर्भ - न्यूज नेटवर्क

शेगाव -

बेंबळा येथे आज सकाळी 10 वाजताच्या सुमारास गावातील वीपुरवठा सुरू करण्याकरिता विद्युत ट्रान्सफॉर्मरवर फ्यूज टाकत असताना विद्युत पुरवठा रिटर्न आल्याने विजेचा शॉक लागून वायरमनचा जागीच मृत्यू झाल्याची दुर्दैवी घटना घडली.

वायरमन पदावर कार्यरत असलेले अजय पुरुषोत्तम अलोने वय 51 वर्षे असे मृत कर्मचाऱ्याचे नाव असून त्यांच्याकडे वायगाव (खडतकर), वायगाव (भोयर) व बेंबळा अशा तीन गावाचा कारभार आहे. या तिन्ही गावाचा वीज पुरवठा बंद असल्याने ते दुरुस्ती करिता बेंबळा येथील वीज ट्रान्सफॉर्मर (डीपी) वर जाऊन पाहिले असता फ्यूज गेला असल्याचे त्यांना आढळून आले. त्यावेळेस पाऊस सुरु होता तरी त्यांनी फ्यूज टाकण्याचा प्रयत्न केला असता अचानक रिटर्न वीज पुरवठा येऊन जोरदार विद्युत करंट लागल्याने अजय पुरुषोत्तम अलोणे या वायरमन चा जागीच मृत्यू झाला.

घटनेची माहिती शेगाव पोलीस स्टेशन येथे देण्यात आली असता ठाणेदार अविनाश मेश्राम यांच्यासह पिएसआय प्रवीण जाधव, अतुल कानवटे तसेच महावितरणचे कर्मचारी घटना स्थळी दाखल झाले व घटनेचा पंचनामा करून मृतदेह ताब्यात घेतला आणि मृतदेह उत्तरीय तपासणी करिता उपजिल्हा रुग्णालय वरोरा येथे पाठविण्यात आले. घटनेचा पुढील तपास शेगाव पोलीस करीत आहे.