त्या शेतकऱ्याची प्रकृती अजूनही नाजूक

त्या शेतकऱ्याची प्रकृती अजूनही नाजूक

चारही बाजुने गावाला पुराने वेढल्याने प्रकृती बिघडताच बैलबंडीने पाण्यातून वाट काढत रुग्णालयात करण्यात आले होते दाखल

आमचा विदर्भ - न्यूज नेटवर्क

चंद्रपूर -

वर्धानदीच्या काठावर वसलेल्या पिपरी (देश) या गावाला पुराने चारही बाजुने वेढल्याने प्रकृती बिघडताच चक्क बैलबंडीने पाण्यातून वाट काढत शंकर ढवस या शेतकऱ्यास बुधवारी जिल्हा सामान्य रुग्णालयात दाखल करण्यात आले होते. दरम्यान या शेतकऱ्यावर उपचार सुरू आहे. संसर्गजन्य आजार ताप व त्यातच शुगर लेवल कमी झाल्याने शंकर तडस यांची प्रकृती खालावली. यंदा गावाला पिपरी (देश) गावाला दुसऱ्यांदा पुराचा विळखा पडला असून गावात प्राथमिक आरोग्य केंद्र नसल्याने अशा स्थितीत ग्रामस्थांचे चांगलेच हाल होत आहे. दरम्यान अशा कठीण परिस्थितीत शंकर ढवस यांना ग्रामस्थांनी बैलबंडीतून चिखलमय रस्त्याने 3 किमीचे अंतर पार करीत रुग्णालयापर्यंत मार्ग काढला. ग्रामस्थांनी साहस केल्यानेच तो सुखरूप पुरातून बाहेर पडले. भद्रावती ग्रामीण रुग्णालयातील डॉक्टरांनी त्यांना जिल्हा रुग्णालयात हलविण्याचा सल्ला दिल्याने शिंदे ट्रस्टच्या सहकार्याने या शेतकऱ्यास चंद्रपुरात दाखल करण्यात आले. परंतु, त्याची प्रकृती नाजूक असून उपचार सुरू आहे. दरम्यान तालुका प्रशासनातर्फे आरोग्य पथक गावातील नागरिकांची तपासणी करण्याच्या कामाला लागले आहे.