तीन वर्षीय चिमुकलीचा नालीच्या पुलात अडकून दुर्दैवी मृत्यू

तीन वर्षीय चिमुकलीचा नालीच्या पुलात अडकून दुर्दैवी मृत्यू

आमचा विदर्भ - ब्युरो रिपोर्ट्स

गोंडपिपरी -

आई वडिलांसोबत नातेवाईकाकडे भेटी-गाठी करिता आलेल्या एका तीन वर्षीय चिमुकलीचा नालीच्या पुलात अडकून मृत्यू झाल्याची दुर्दैवी घटना दि. 10 जुलै रोज रविवारला गोंडपिपरी तालुक्यातील विठ्ठलवाडा येथे घडली आहे. मृतक चिमुकलीचे नाव सानू मंगेश चुनारकर वय 3 वर्ष असून ही मूल तालुक्यातील चिमडा येथील रहिवाशी होती.

गोंडपिपरी तालुक्यातील विठ्ठलवाडा येथे नातेवाइकाकडे तीन दिवसांपूर्वी आली होती. तालुक्यात मुसळधार पाऊस सुरु असल्याने ती आई सोबत विठ्ठलवाडा येथे नातेवाइकाकडे थांबली. मुसळधार पावसाने नदी, नाले, गावातील नाली, छोटे पूल पाण्याने तुडुंब भरून वाहत आहेत अश्यातच रविवारला 9 वाजताच्या सुमारास घरासमोरील नालीत पाय घसरून पडली नाली तुडुंब भरून वाहत असल्याने पाण्याच्या प्रवाहाबरोबर नालीलगत असलेल्या पुलात जाऊन अडकली. घरच्यांनी आरडाओरड करताच तिला वाचविण्यासाठी दोन युवक नालीत उतरले आणि तिला पुलातून बाहेर काढन्याचा प्रयत्न केला. दहा ते पंधरा मिनिटचा वेळ निघून गेला मात्र ती पुलाच्या बाहेर न पडल्याने घरच्यांची धाकधूक वाढली. पुलात बाबू टाकुन पळताळणी करताच ती पाण्याच्या प्रवाहाबरोबर पूलाच्या बाहेर निघाली मात्र बराच वेळ पुलाखालील पाण्यात अडकून राहिल्याने बेशुद्ध पडली. लागलीच गावातील एका ऑटो ने तिला ग्रामीण रुग्णालय गोंडपिपरी येथे उपचाराकरिता दाखल करण्यात आले असता डॉक्टरांनी तिला मृत घोषित केले.