अल्पवयीन मुलगी अल्पवयीन मुलाकडून गर्भवती

अल्पवयीन मुलगी अल्पवयीन मुलाकडून गर्भवती 

आमचा विदर्भ - न्यूज नेटवर्क

चिमूर -

चिमूर तालुक्यातील एका गावातील एक तेरा वर्षीय बालिका पंधरा वर्षाच्या मुलाकडून सहा महिन्याची गर्भवती असल्याची घटना नुकतीच उजेडात आली असून या घटनेमुळे समाजमन सुन्न झाले आहे.

अनेक संस्था-संघटनाकडून महिलांच्या सुरक्षेसाठी वेगवेगळे उपक्रम राबविले जातात तरी देखील महिला अत्याचारच्या घटना घडताना दिसतात. एका ग्रामीण भागातील एक तेरा वर्षाची मुलगी व तिच्या घराजवळ असलेला अल्पवयीन पंधरा वर्षाचा मुलगा या दोघांचे प्रेमसंबंध निर्माण झाले व यातूनच त्यांचे शारेरिक संबंध निर्माण होऊन तिला गर्भधारणा झाली. याची कल्पना तिला नव्हती परंतु तीचे पोट दुखत असल्याने तिने आईला सांगितले लगेच तिला प्राथमिक आरोग्य केंद्रात उपचारासाठी नेले व वैद्यकीय अधिकाऱ्यांनी तपासणी केली असता ती गर्भवती असल्याचे सांगितले. मात्र तिच्या आईचा यावर विश्वास बसत नव्हता म्हणून आईने त्या अल्पवयीन मुलीला विचारले असता त्या मुलाचे नावं सांगितले. मुलगा व मुलगी विधी संघर्ष बालक असल्यामुळे नावं गुप्त ठेवल्या जाते. मात्र ज्या मुलींना या वयात काही कळत नाही तीच मुलगी आता आई बनणार असल्यामुळे चिमूर तालुका हादरला आहे. या घटनेची मुलीच्या आईनी पोलिसात तक्रार दाखल केली असून आरोपी मुलाला बालसुधार गृहात पाठविण्यात आले आहे. तर मुलीला उपचारासाठी रुग्णालयात भरती करण्यात आले.