- चालत्या रेल्वेतून पडून युवकाचा मृत्यू
डी.एस. ख्वाजा - आमचा विदर्भ जिल्हा विशेष प्रतिनिधी
चंद्रपूर -
माजरी-भांदक रेल्वे मार्गावर डाउन लाईनवर एका अंदाजे २६ वर्षीय एका युवकाचा रेल्वे एक्सप्रेस गाडीने खाली पडून मृत्य झाल्याची घटना शनिवारी दुपारी ३ वाजताच्या दरम्यान घडली.
मिळालेल्या माहितीनुसार मृतक लिखेशकुमार चौधरी, रा. कटियार, जिल्हा बिहार हा आपल्या कुटुंबीयासह दानापुर-सिकंदराबाद या ट्रेनने सिकंदराबाद येथे जात होता. सदर युवक धावत्या ट्रेन मधून खाली पडला. दरम्यान त्याच ट्रेनमध्ये यात्रा करणारे काही नागरिकांनी चैन ओढुन ट्रेन थांबविली. सदर ट्रेन माजरी जंक्शनवर थांबल्याने स्टेशन मास्टर यानी ट्रेन थांबल्याचे नेमके कारण काय याची चौकशी करण्याकरिता रेल्वे कर्मचाऱ्यांना सूचना केली. चौकशीदरम्यान माजरी-भांदक डाउन लाईन मार्गावर पोल क्र. ८४१/२८-३० च्या दरम्यान एक युवक गंभीर जख्मी अवस्थेत पडून असल्याची निदर्शनास आला. रेल्वे कर्मचाऱ्यांनी त्याला रेल्वे लाइनवरुन काढून बाजूला केले. सदर युवकाला गंभीर दुखापत झाल्याने काही क्षणातच त्याचा मृत्यु झाला. सदर ट्रेन माजरी जंक्शनवर तब्बल ४० मिनट उभी होती. दरम्यान स्टेशन मास्टर यानी या घटनेची माहिती रेल्वे पोलिस, जीआरपीएफ पोलिसांना दिली. दरम्यान रेल्वे पोलिसांनी घटनास्थळी जावून पाहणी केली असता. सदर युवक एक्सप्रेस गाडीने खाली पडल्याने त्याच्या डोक्यावर जबर मार लागला. अंगात काळ्या-पांढऱ्या रंगाचे चेक्स शर्ट, निळ्या रंगाचे जीन्स पॅन्ट या वर्णनाचा युवक दानापुर-सिकंदराबाद या एक्सप्रेस गाडीने खाली पडून मृत्यू झाल्यावरून सदर प्रकरणी अकस्मात मृत्यूची नोंद करून पुढिल तपास रेल्वे पोलीस वरोरा व बल्लारशाहचे जीआरपी करीत आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.