भीषण अपघातात युवकाचा जागीच मृत्यू

भीषण अपघातात युवकाचा जागीच मृत्यू

आमचा विदर्भ - न्यूज नेटवर्क

बल्लारपूर -

राष्ट्रीय महामार्गावर असलेल्या बामणी येथे सकाळी 10 वाजताच्या सुमारास झालेल्या भीषण अपघातात 35 वर्षीय युवकाचा जागीच मृत्यू झाल्याची धक्कादायक घटना घडली. बामणी जवळच्या दहेली येथील अजय वागदरकर ह्या युवकाला भरधाव वेगाने जाणाऱ्या कॅप्सूल ट्रकने त्याच्या दुचाकीला जोरदार धडक दिली. या अपघातात अजयचा जागीच मृत्यू झाला. 

सदर युवक हा वैयक्तिक कामानिमित्त बल्लारपूर कडे जात असतांना हा अपघात घडला. अपघाताची माहिती मिळताच पोलिसांनी घटनास्थळी धाव घेऊन कॅप्सूल ट्रक ला ताब्यात घेतले आहे. पुढील तपास पोलीस करीत आहे.