बल्लारपूर पेपर मिल येथे जागतिक योग दिन साजरा

बल्लारपूर पेपर मिल येथे जागतिक योग दिन साजरा

महामृत्यूनजय मंत्राचा जापसह ओम उच्चरणं आणि योगासन करुन कार्यक्रमाला सुरवात

एच.एन. (राजेश) अरोरा प्रतिनिधी

बल्लारपूर -

येथील पेपर मिल उद्योग समूहाच्या वतीने जागतिक योग दिवस साजरा करण्यात आला. सुरवातीला महामृत्यूनजय मंत्राचा जप, ओम उच्चरणं करुन योगासणाला सुरवात केली. यावेळी शेकडो कामगार, अधिकारी वर्ग आणि कामगार संघटनेच्या पदाधिकाऱ्यांनी उपस्थिती होती. 

आयोजित कार्यक्रमात प्रमुख अतिथी म्हणून व्यवस्थापन प्रमुख उदय कुकडे, मानव संसाधन व्यवस्थापक प्रमुख प्रवीण शंकर, मानव व्यवस्थापन उपप्रमुख अजय दुरगकर, कामगार संघटनेचे सचिव वसंत मांढरे, तारा सिंग, कृष्णा नायर उपस्थित होते. जागतीक योगादिनाचे औचित्य साधून सकाळी ९:०० वाजता कारखान्याच्या प्रंगणात हा कार्यक्रम संपन्न झाला. यावेळी योगाचे प्रस्ताक्षिक सुनिल बिरणवार, निळकंठ पटले यांनी करून दाखविले. याप्रसंगी प्रास्ताविक भाषण करतांना व्यवस्थापन प्रमुख उदय कुकडे यांनी मानवी जीवनात योगाचे महत्त्व आणि शरीर सुदृढ ठेवण्यासाठी योगासणाची गरज आहे. निरोगी जीवन आणि एकाग्रता यांची गुरुकिल्ली म्हणजे योग आहे. आजच्या धावपळीच्या जीवनात मानसिक ताण घालवण्यासाठी योग हे उत्तम पर्याय आहे. असे प्रतिपाद व्यवस्थापन प्रमुख उदय कुकडे यांनी केले. यावेळी शेकडो कामगार आणि अधिकारी वर्ग आणि कामगार संघटनेच्या पदाधिकाऱ्यांची उपस्थिती होती. या कार्यक्रमाचे संचालन आणि मानव संसाधन विभागाचे उपप्रमुख अजय दुरगकर यांनी केले.