बाबुपेठ जवळ वाहनाच्या झडतीत सुगंधीत तंबाकू जप्त

बाबुपेठ जवळ वाहनाच्या झडतीत सुगंधीत तंबाकू जप्त

चंद्रपूर पोलिसांची मोठी कारवाई

डी.एस. ख्वाजा - आमचा विदर्भ प्रतिनिधी

चंद्रपूर -

दिनांक 20 जून 2022 ला दुपारी सपोनि जयप्रकाश निर्मल हे पोलीस स्टेशन ला हजर असतांना त्यांना सूत्रांकडून माहिती मिळाली कि, एका टाटा एस वाहनात महाराष्ट्रात प्रतिबंधीत सुगंधीत तंबाखु वाहुन नेत आहे. या माहितीवरून पोलीस निरीक्षक सुधाकर अंभोरे यांना माहिती देऊन त्यांचे मार्गदर्शनात बाबुपेठ पोलीस चौकी समोर पंच व अन्न सुरक्षा अधिकारी चंद्रपुर यांचे सह नाकाबंदी करून पोलिसांनी झडती केली असता वाहनाचे चालक नामे आरीफ मेहताब खान वय 38 वर्षे व सहकारी नामे शेख शाकीर शेख रेहमान वय 32 वर्षे दोन्ही रा. बगड खिडकी चंद्रपुर हे मिळुन आले. त्यांच्या वाहनांची सूत्रांकडून मिळालेल्या माहितीप्रमाणे पोलिसांनी पंचासमक्ष झडती घेतली असता त्यात प्रतिबंधीत 552800 रुपये किंमतीचा सुगंधीत तंबाखु अवैधपणे वाहतुक करतांना मिळुन आला व टाटा एस वाहन क्रं. एमएच 27 बीएस 2838 किंमत 3 लाख असा एकूण ८ लाख 52 हजार 800 रुपयाचा मुद्देमाल पोलिस व माल अन्न सुरक्षा अधीकारी गिरीष सातकर चंद्रपुर यांनी घटनास्थळी पंचनामा कार्यवाही करून जप्त केला व त्यांनी दिलेल्या फिर्याद वरून पोस्टे ला अपराध क.341/22 कलम 188,213,328 मा दवि सह कलम 30(2)(a);26(2)(1),26(2)(iv)59 अन्न सुरक्षा आणी मानके अधिनियम 2006 अन्वये गुन्हा नोंद करून तपासात घेतला.

सदर ची कार्यवाही पोलीस अधीक्षक चंद्रपूर, उपविभागीय पोलीस अधीकारी चंद्रपुर तथा पोलीस निरीक्षक चंद्रपूर चे मार्गदर्शनात जयप्रकाश निर्मल यांनी केली आहे. सदर कार्यवाही मध्ये गुन्हे शोध पथकातील पो हवा. शरीफ शेख, महेंद्र बेसरकर, विलास निकोडे, नापोशि जयंत चुनारकर, चेतन गज्जलवार, सचिन बोरकर, पोशि ईम्रान खान, रूपेश रणदिवे यांचा समावेश आहे.