अल्पवयीन मुलीचा विनयभंग आरोपीला अटक

अल्पवयीन मुलीचा विनयभंग आरोपीला अटक

आमचा विदर्भ - न्यूज नेटवर्क

पोंभुर्णा -

एका २२ वर्षीय युवकाने गावातच राहणाऱ्या अल्पवयीन मुलीचा विनयभंग केल्याची घटना पोंभुर्णा पोलिस ठाण्याच्या हद्दीत उघडकीस आली.

तक्रार दाखल झाल्यानंतर पोंभुर्णा पोलिसांनी पोस्को कायदा अंतर्गत गुन्हा दाखल करून आरोपीला अटक करण्यात आली आहे. दिवसेंदिवस महिलांवर तसेच अल्पवयीन मुलीवर अत्याचार झाल्याच्या तक्रारी समोर येत आहेत.अशातच तालुक्यातील पोंभुर्णा पोलीस स्टेशन अंतर्गत येणाऱ्या नवेगाव मोरे येथील एका अल्पवयीन मुलीचा तिच्या घरात घुसून विनयभंग केल्याचा प्रकार शनिवारला उघडकीस आला.

प्राप्त माहितीनुसार अल्पवयीन मुलगी आपल्या घरात एकटी असल्याची संधी साधून गावातील धनराज पुरोषोत्तम पाल (२२) वर्षे यांनी तिच्या घरात घुसून विनयभंग केला हा प्रकार कुणाला सांगितल्यास जिवे मारण्याची धमकी दिली. मुलीच्या तक्रारीवरून पोलिसांनी धनराज पुरोषोत्तम पाल  याच्यावर पोस्को कायद्याअंतर्गत भांदवी कलम ३५४,३५४(ड)४५२,५०६, सहकलम ८,१२ लैंगिक अत्याचारापासून बालकांचे संरक्षण कायदा अंतर्गत गुन्हा दाखल करून अटक करुन न्यायालयात हजर केली असता न्यायालयाने त्याला न्यायालयीन कोठडी सुनावली आहे. पुढील तपास उपविभागीय पोलिस अधिकारी यांच्या मार्गदर्शनाखाली सपोनि धर्मेंद्र जोशी, राजश्री रामटेके करीत आहे.