नराधमाच्या चिमुकलीवर अत्याचार

नराधमाच्या चिमुकलीवर अत्याचार

आमचा विदर्भ - न्यूज नेटवर्क

शंकरपूर - 

शंकरपूर येथील एका 36 वर्षीय नराधमाने आठ वर्षीय दुसऱ्या वर्गात शिकत असलेल्या चिमुकलीवर शुक्रवारला सायंकाळी चारच्या सुमारास अत्याचार केल्याची घटना घडली. या नराधमाला पकडून पोलिसांनी अटक केली आहे. पीडित मुलीचा आजोबा हा शंकरपूर येथील देशी भट्टीवर नाश्त्याची दुकान चालवतो. त्याला लागणारा पक्का माल हा घरून पाठविला जात होता. ही मुलगी आईने उकडून दिलेले अंडे आजोबाकडे नेऊन देण्यासाठी देशीभट्टीवर गेली. तिथे हा नराधम राजीक उर्फ काल्या हा दारू पीत होता. ही मुलगी घरी एकटी जाताना पाहून तो तिच्या मागे दुचाकीने आला व तुला घरी सोडून देतो म्हणून गाडीवर बसवून रस्त्यात असलेल्या राजीव गांधी महाविद्यालयाच्या मागे निर्जनस्थळी घेऊन गेला व तिच्यावर अमानुष अत्याचार केला. याची माहिती घरी जाऊन पीडित मुलीने आपल्या आईला दिली असता मुलीच्या आईने तिला घेऊन पोलिस चौकी गाठण्यासाठी निघाली. वाटेतच हा नराधम तिला रोड वर दिसला. तिने त्याची कॉलर धरून पोलिस चौकीकडे नेत असताना तोफिक पान सेंटर जवळून तिला हिसका मारून त्याने पळ काढला. परंतु तिच्या आईने लगेच पोलिस चौकी गाठन पोलिसांना सर्वकाही हकिगत सांगितली. पोलिसांनी लगेच त्याला पकडून आणून अटक केली व कलम 376 पोस्को व 18 सिटीनुसार गुन्हा दाखल केला. रात्री नऊ वाजताच्या दरम्यान मुलीला तपासणी करता जिल्हा रुग्णालय चंद्रपूर येथे नेण्यात आले पुढील तपास सपोनि विनोद जांभळे व सहकारी करीत आहेत.