दोन ट्रकांची अमोरा-समोर धडक

• दोन ट्रकांची अमोरा-समोर धडक
• चार तास वाहतूक खोळंबली

आमचा विदर्भ - ब्युरो रिपोर्ट्स

सिंदेवाही -

शहरातील स्मशान भूमी जवळ दोन ट्रकांची समोरा समोर धडक होऊन अपघात झाल्याची घटना १५ मे रोजी सकाळी ६.१५ च्या दरम्यान घडली असून या अपघातामुळे पुलावरील वाहतूक चार तास ठप्प होती. घडलेल्या घटनेसंदर्भात सविस्तर वृत्त असे की, चंदपुर मार्गे जाणार टाटा कंपनी चा एम.एच. ३४ एबी २७२१ ट्रक व नागपुर मार्गे जाणार अशोक लिल्यांड कंपनी चा एम.एच. ३४ एबी ७९८८ ट्रक यांची समोरा समोर धडक बसल्याने अपघात झाला. हा अपघात ऐन स्मशान भूमी जवळील असलेल्या पुलावर घडल्याने वाहतुक ठप्प झालेली होती. अपघाताची माहिती सिंदेवाही पोलिसांना मिळताच सिंदेवाही पोलिसाच्या पथकाने घटनास्थळी धाव घेऊन जमलेल्या लोकांच्या गर्दीला दूर करुन अपघातग्रस्त दोन्ही ट्रकच्या ड्रायव्हरला उपचाराकरिता रुग्णालयात पाठवले. अपघात ग्रस्त दोन्ही ट्रक ला दोन क्रेन व एक जेसीपी च्या मदतीने बाहेर काढून जवळपास ४ तासाच्या प्रयत्नानंतर हा मार्ग मोकळा करण्यात आला त्यामुळे ठप्प पडलेली वाहतुक सुरु झाली. अपघात इतका गंभीर होता की दोन्ही अपघात ग्रस्त ट्रकांची समोरील बाजू दबली गेली. यात दोन्ही ट्रक चे ड्रायव्हर जखमी झाले. त्यापैकी एकाला सिंदेवाही येथील सामान्य रूग्णालयात दाखल करण्यात आले. तर दूसऱ्याला चंद्रपुर येथील सामान्य रूग्णाल्यात दाखल करण्यात आले असून सदरील घटनेचा पुढील तपास पोलीस अधिकारी करत आहेत.