क्षुल्लक कारणामुळे एकाचा खून

• क्षुल्लक कारणामुळे एकाचा खून
• धक्कादायक - क्षुल्लक वाद टोकाला गेला
• राजुरा तालुक्यातील घटना

अविनाश रामटेके - आमचा विदर्भ प्रतिनिधी

विरूर स्टेशन -

क्षुल्लक कारणामुळे शेजारी राहणाऱ्या कुटुंबाच्या बाचाबाचीचे रूपांतर हाणामारीत झाले आणि त्यात लोखंडी पावड्याने डोक्यावर मारुन एकाचा नाहक जीव गेल्याची धक्कादायक घटना राजुरा तालुक्यातील पंचाऴा या गावात घटली.

मिळालेल्या माहितीनुसार पंचाळा येथे ड्रायव्हरी चे काम करणारे गणेश मडावी वय ३५ हे सायंकाळी ६ वाजताच्या दरम्यान कामावरून आल्यावर त्यांनी त्यांच्या घरातील पाळीव बांधलेली कुत्रे सोडले व आंघोळीला गेले. ते पाळीव कुत्रे समोर असलेल्या भोंगऴे यांचे अंगणात गेली. भोंगळे कुटुंबाने कुत्र्याला हटकले. कुत्र्याच्या ह्या क्षुल्लक कारणाने या दोन्ही कुटुंबियात बाचाबाची झाली. जातीवाचक शिवीगाळ झाली, बाचाबाचीचे रूपांतर हाणामारीत झाले. त्यातच प्रभाकर भोंगऴे यांनी गणेश मडावी यांचे दोन्ही हात पकडले व रोहीत भोंगऴे यांनी बांबुचा दांडा असलेल्या लोखंडी फावड्याने डोक्यावर मारले. डोक्यावर जबर मार लागून रक्तस्त्राव झाल्याने गणेश मडावी याना तात्काळ ग्रामीण रुग्णालय राजुरा येथे नेण्यात आले मात्र डॉक्टरानी गणेश मडावी ला मृत घोषित केले. गुरुवार दि. २१ एप्रिलला सायंकाळी ६ ते ७ वाजताच्या सुमारास घटली. 

मृतकाच्या पत्नी सुनीता गणेश मडावी, मृतकाचे आई गीताबाई मारोती मडावी, मृतकाचे भाऊ धनराज मारोती मडावी यांच्या तक्रारीवरून पोलिसांनी आरोपींविरुद्ध भारतीय दंड संहिता १८६० कलम ३०२, ५०४, ५०६, ३४, अनुसूचीत जाती आणि अनुसूचीत जमाती (अत्‍याचार प्रतिबंधक) अधिनियम १९८९, ३(१)(s), ३(२)(पाच) अन्वये गुन्हा दाखल केला असून आरोपी प्रभाकर भोंगऴे वय ५२ , रोहीत भोंगऴे वय २१, ताराबाई प्रभाकर भोंगळे वय ४५ व त्यांच्या कुटुंबातील एका महिलेला अटक केली आहे. समोरील तपास उपविभागीय पोलीस अधिकारी राजा पवार यांच्या मार्गदर्शनात विरूर पोलीस स्टेशनचे पोलीस निरीक्षक राहुल चौहान करीत आहे.